ബോക്‌സ് ഓഫീസീസില്‍ വന്‍ അലയൊലിയും ആവേശവും തീര്‍ത്ത കെ ജി എഫ് സിനിമയുടെ രണ്ടാം ഭാഗത്തിന്റെ റിലീസ് തിയതി പ്രഖ്യാപിച്ചു. നായകനായ യാഷ് ആണ് റിലീസ് തിയതി തന്റെ ഫേസ്ബുക്ക് പേജിലൂടെ പുറത്തുവിട്ടത്.
ഒക്ടോബര്‍ 23നാണ് ചിത്രം റിലീസ് ചെയ്യുന്നത്. ഇതിന്റെ ആദ്യ ഭാഗത്തിലൂടെയാണ് യാഷ് എന്ന നടനെ സിനിമാ പ്രേമേികള്‍ അറിയാന്‍ തുടങ്ങുന്നത്. യാഷിന്റെ കരിയറിലെ മികച്ച ബ്രേക്ക് നല്‍കിയ ചിത്രമായിരുന്നു കെജിഎഫ്. പ്രശാന്ത് നീല്‍ ആണ് സംവിധായകന്‍. വിജയ് കിരഗണ്ടൂര്‍ നിര്‍മ്മിക്കുന്നു. ശ്രീനിധി ഷെട്ടി, രവീണ ടണ്ടണ്‍ തുടങ്ങിയ വന്‍ താരനിരയാണ് ചിത്രത്തില്‍ അണിനിരക്കുന്നത്. കന്നഡയില്‍ ഇതുവരെ നിര്‍മ്മിക്കപ്പെട്ടതില്‍ ഏറ്റവും ചിലവ് കൂടിയ ചിത്രമാണ് കെജിഎഫ്. കോളാറിന്റെ സ്വര്‍ണഖനിയുടെ പശ്ചാത്തലത്തില്‍ റോക്കി എന്ന അധോലോക നായകന്റെ കഥയാണ് ചിത്രം പറയുന്നത്.
2019 ഡിസംബര്‍ 21 നാണ് സിനിമയുടെ ആദ്യഭാഗം ഇന്ത്യയില്‍ റിലീസ് ചെയ്തത്. കന്നഡ, തെലുങ്ക, തമിഴ്, മലയാളം, ഹിന്ദി ഭാഷകളില്‍ സിനിമ പുറത്തിറങ്ങിയിരുന്നു. കര്‍ണാടകയില്‍ ആദ്യദിനം 350 സ്‌ക്രീനുകളിലും ബാംഗളൂരില്‍ 500 പ്രദര്‍ശനങ്ങളും സംഘടിപ്പിച്ചിരുന്നു. രണ്ടാം ഭാഗത്തില്‍ നടന്‍ സഞ്ജയ് ദത്ത് കൊടുംവില്ലന്‍ അധീരയെന്ന കഥാപാത്രത്തെ സിനിമയില്‍ അവതരിപ്പിക്കുന്നുണ്ട്.
പ്രതികരിക്കാൻ ഇവിടെ എഴുതുക: