കൊച്ചി: ബിജെപി സംസ്ഥാന അധ്യക്ഷനായി നിയമിതനായ കെ. സുരേന്ദ്രന്‍ ആര്‍എസ്എസ് സംസ്ഥാന കാര്യാലയമായ എറണാകുളം എളമക്കരയിലെ മാധവ് നിവാസ് സന്ദര്‍ശിച്ചു. ആര്‍എസ്എസ് പ്രാന്ത സംഘചാലക് പി.ഇ.ബി. മേനോന്‍ സുരേന്ദ്രനെ പൊന്നാട അണിയിച്ച് സ്വീകരിച്ചു.
പ്രാന്ത പ്രചാരക് പി.എന്‍. ഹരികൃഷ്ണകുമാര്‍, പ്രാന്ത സഹപ്രചാരക് എസ്. സുദര്‍ശനന്‍, സീമാജാഗരണ്‍ മഞ്ച് ദേശീയ സംയോജകന്‍ എ. ഗോപാലകൃഷ്ണന്‍, കാര്യാലയ പ്രമുഖ് സി.സി. ശെല്‍വന്‍ എന്നിവരും പദ്മശ്രീ എം.കെ. കുഞ്ഞോല്‍ മാഷും സന്നിഹിതരായിരുന്നു.
കാര്യാലയത്തിലെ ഡോക്ടര്‍ജിയുടെ പ്രതിമയെ വണങ്ങിയതിന് ശേഷം സുരേന്ദ്രന്‍ മുതിര്‍ന്ന പ്രചാരകന്മാരായ ആര്‍. ഹരി, എം.എ. കൃഷ്ണന്‍ എന്നിവരെയും സന്ദര്‍ശിച്ച് അനുഗ്രഹം വാങ്ങി. ബിജെപി ജില്ലാ ജനറല്‍ സെക്രട്ടറി കെ.എസ്. ഷൈജു. സി.ജി. രാജഗോപാല്‍ എന്നിവരും സുരേന്ദ്രനൊപ്പമുണ്ടായിരുന്നു.
പ്രതികരിക്കാൻ ഇവിടെ എഴുതുക: