സ്മാര്‍ട്ട് ഫോണ്‍ രംഗത്തെ അതികായകരായ ഓപ്പോയുടെ ഉപ ബ്രാന്‍ഡായ റിയല്‍മി ‘മൂണ്‍ലൈറ്റ് സില്‍വറി’ന്റെ വില്‍പ്പന ആരംഭിച്ചു. 4 ജിബി റാം, 64 ജിബി റോം എന്നിവയോടെ എത്തുന്ന ഈ പുതിയ പതിപ്പിന്റെ വില 10,990 രൂപ.
കഴിഞ്ഞ മാസമാണ് ഡയമണ്ട് ബ്ലാക്ക്, സോളാര്‍ റെഡ് എന്നീ നിറങ്ങളുമായി റിയല്‍മി 1 അവതിപ്പിച്ചത്. ഓപ്പോ രൂപകല്‍പ്പന ചെയ്ത് മികച്ച സവിശേഷതകളുമായി താങ്ങാവുന്ന വിലയില്‍ അവതരിപ്പിച്ച ആദ്യ സ്മാര്‍ട്ട് ഫോണാണ് റിയല്‍മി 1. നേരത്തെ അവതരിപ്പിച്ച പതിപ്പുകളില്‍ 3 ജിബി റാം- 32 ജിബി റോം 6 ജിബി റാം-128 ജിബി റോം എന്നിവയായിരുന്നു. പുതിയ പതിപ്പില്‍ 4 ജിബി റാം, 64 ജിബി റോം എന്നിവയും മൂണ്‍ലൈറ്റ് സില്‍വര്‍, സോളാര്‍ റെഡ്, ഡയമണ്ട് ബ്ലാക്ക് എന്നീ നിറങ്ങളും ഉണ്ടാകും.
3410 എംഎഎച്ച് ബാറ്ററി, എഐ ബാറ്ററി ആസൂത്രണം, കണിശമായ നിര്‍മിത ബുദ്ധി പ്രോസസ്സര്‍, മുഖം മനസ്സിലാക്കി അണ്‍ലോക്കു ചെയ്യുന്ന സംവിധാനം തുടങ്ങിയവയൊക്കെയാണ് ഫോണിന്റെ പ്രധാന സവിശേഷതകള്‍. എല്‍ഇഡി ഫ്‌ളാഷുമായി 13 എംപി പിന്‍ ക്യാമറയും 8 എംപി സെല്‍ഫി ക്യാമറയും ഇതിലുണ്ട്. ഇവ രണ്ടും എആര്‍ സ്റ്റിക്കറുകള്‍ക്കു പിന്തുണ നല്‍കുന്നവയാണ്.
പ്രതികരിക്കാൻ ഇവിടെ എഴുതുക: