പാലക്കാട്: കേരള കണ്യാര്‍കളി ആര്‍ട്‌സ് പ്രമോഷന്‍ കൗണ്‍സിലിന്റെ (കെകെഎപിസി) വാര്‍ഷികാഘോഷത്തോടാനുബന്ധിച്ച് കൊടുവായൂര്‍ കരുവന്നൂര്‍തറ ദേശം 12, 13 തീയതികളില്‍ വൈകീട്ട് അഞ്ചിന് കൊടുവായൂര്‍ ആര്‍ കെ ഓഡിറ്റോറിയത്തില്‍ കണ്യാര്‍കളി മേള സംഘടിപ്പിക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
12ന് പത്മശ്രീ കലാമണ്ഡലം ശിവന്‍നമ്പൂതിരി ഉദ്ഘാടനം ചെയ്യും. തുടര്‍ന്ന് വിവിധ ദേശങ്ങളുടെ കണ്യാര്‍കളി അവതരണം നടത്തും. 13ന് സമാപന സമ്മേളനം കെ കെ എ പി സി സ്ഥാപക ചെയര്‍മാന്‍ കെ രഘുനാഥ മേനോന്‍ ഉദ്ഘാടനം ചെയ്യും.
തുടര്‍ന്ന് കണ്യാര്‍കളിയുണ്ടായിരിക്കും. രണ്ട് ദിവസങ്ങളിലായി 30 ഓളംദേശങ്ങളില്‍ നിന്നായി 750 ഓളം കലാകാരന്‍മാര്‍ കണ്യാര്‍കളി അവതരണം നടത്തും.
മുഖ്യരക്ഷാധികാരി പി രാമകൃഷ്ണന്‍നായര്‍, ചെയര്‍മാന്‍ എന്‍.പ്രേമചന്ദ്രന്‍, എം.പി.കാര്‍ത്തികേയന്‍, രക്ഷാധികാരി ശ്രീരാം പത്രസമ്മേളനത്തില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: