ഒറ്റപ്പാലം: റോഡ് സുരക്ഷാബോധവല്‍ക്കരണത്തിന്റെ ഭാഗമായി കേരള ജനമൈത്രി പോലീസ് ട്രാഫിക് വിഭാഗത്തിന്റെ ഭാഗ്യചഹ്നം പപ്പു സീബ്രക്ക് ഒറ്റപ്പാലത്ത് സ്വീകരണം നല്‍കി.
ട്രാഫിക് എസ്.ഐ.രാജശേഖരന്‍ സ്വീകരണ യോഗം ഉദ്ഘാടനം ചെയ്തു. ട്രാഫിക് നിയമം ലംഘിച്ചും, മദ്യപിച്ചുള്ള ഡ്രൈവിംഗ്, അശ്രദ്ധയോടുകൂടിയ ഓവര്‍ടേക്ക് തുടങ്ങിയവുമായി ബന്ധപ്പെട്ട് ഉണ്ടാകുന്ന റോഡ് അപകടങ്ങള്‍ ഒഴിവാക്കുക എന്ന ലക്ഷ്യത്തോടെയാണു റോഡ് സുരക്ഷാ ബോധവല്‍ക്കരണ പര്യടനം സംഘടിപ്പിച്ചിരിക്കുന്നത്.
ട്രാഫിക്ക് നിയമങ്ങളെക്കുറിച്ച് കാഴ്ചക്കാരോട് സീബ്രചോദ്യങ്ങള്‍ ചോദിച്ചു.
ശരി ഉത്തരം നല്‍കിയവര്‍ക്കു സമ്മാനം നല്‍കി. ലഹരി വിരുദ്ധ ബോധവല്‍ക്കരണക്ലാസ്സും,ലഘുലേഖ വിതരണവും നടന്നു. ഗിരീഷ് കുമാര്‍, സിയാദ്, സുനില്‍ റഹ്മാന്‍, പപ്പു സീബ്ര ടീം ലീഡര്‍ ചന്ദുകുമാ ര്‍, സി.പി.ഒ.വിനോദ്പ്രകാശ് പങ്കെടുത്തു.
പ്രതികരിക്കാൻ ഇവിടെ എഴുതുക: