ചങ്ങനാശേരി: സ്വര്‍ണക്കടയ്‌ക്ക് തീപിടിച്ച് ഒരുലക്ഷം രൂപയുടെ നാശനഷ്ടം. എംസി റോഡില്‍ അഭിനയ തിയേറ്ററിന് സമീപമുള്ള ജോസ്‌കോസ് ജൂവലറിയിലാണ് ഇന്‍വെര്‍ട്ടറില്‍ നിന്നും തീപിടിച്ച് നാശനഷ്ടമുണ്ടായത്. അടുത്തുള്ള കടയിലുണ്ടായിരുന്നവര്‍ പുകവരുന്നതുകണ്ട് തൊട്ടുത്തുള്ള ഫയര്‍‌സ്റ്റേഷനിലെത്തി വിവരം അറിയിച്ചതിനെതുടര്‍ന്ന് അഗ്നിശമനസേനയെത്തി. അടഞ്ഞുകിടന്ന ഷട്ടറിന്റെ പൂട്ട് മുറിച്ച് കടതുറന്ന് തീയണയ്‌ക്കുകയായിരുന്നു. തൊട്ടടുത്ത് നിരവധി വ്യാപാരസ്ഥാപനങ്ങളും സ്ഥിതിചെയ്യുന്നുണ്ട്. അഗ്നിശമന സേന ഉടന്‍ എത്തിയതിനാലാണ് വന്‍ദുരന്തം ഒഴിവായത്.
കടയിലുണ്ടായിരുന്ന രണ്ട് ഇലക്‌ട്രോണിക് ത്രാസുകളും ഒരു കൗണ്ടറും ഷോറൂമിന്റെ ഗ്ലാസും, ഫര്‍ണിച്ചറുകളും കത്തിനശിച്ചു.
പ്രതികരിക്കാൻ ഇവിടെ എഴുതുക: