കോട്ടയം: ഒരു നൂറ്റാണ്ടിലേറെ പഴക്കമുള്ള വീട് കത്തിനശിച്ചു. ലക്ഷങ്ങളുടെ നഷ്ടം. മാങ്ങാനം മക്രോണി പാലത്തിനു സമീപം കളരിക്കല്‍ ലെയിനില്‍ കളരിക്കല്‍ ഷാജുവിന്റെ മകന്‍ സച്ചിന്റെവീടാണ് കത്തിനശിച്ചത്. ഒരുനൂറ്റാണ്ടിലേറെ പഴക്കമുള്ള തടികൊണ്ട് നിര്‍മ്മിതമായ വീട് പൂര്‍ണമായും കത്തിനശിച്ചു. ലക്ഷങ്ങളുടെ നഷ്ടമുള്ളതായാണ് പ്രാഥമിക വിലയിരുത്തല്‍. ഇന്നലെ വൈകിട്ട് ആറേകാലോടെയാണ് തീപിടുത്തമുണ്ടായത്. ഷോര്‍ട്ട് സര്‍ക്യൂട്ടാണ് അഗ്നിബാധയ്‌ക്കു കാരണമെന്നാണ് പ്രാഥമിക നിഗമനം. അഗ്നിബാധ ഉണ്ടായപ്പോള്‍ത്തന്നെ വീട്ടിലുള്ളവര്‍ പുറത്തിറങ്ങിയതിനാല്‍ ആളപായമില്ല. കോട്ടയം, ചങ്ങനാശേരി, പാമ്പാടി എന്നിവിടങ്ങളില്‍ നിന്നുള്ള അഗ്നിശമന സേനാവിഭാഗങ്ങള്‍ എത്തിയാണ് തീ അണച്ചത്.
Saturday, November 16, 2024
ഒരു നൂറ്റാണ്ടിലേറെ പഴക്കമുള്ള വീട് കത്തിനശിച്ചു; ലക്ഷങ്ങളുടെ നഷ്ടം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: