ചാത്തന്നൂര്‍: പാരിപ്പള്ളി ഇഎസ്‌ഐ ആശുപത്രിയില്‍ ഉണ്ടായ അഗ്‌നിബാധയെക്കുറിച്ച് സമഗ്ര അന്വേഷണം നടത്തണമെന്ന് ബിജെപി കല്ലുവാതുക്കല്‍ പഞ്ചായത്ത് സമിതി ആവശ്യപ്പെട്ടു. അത്യാഹിത വിഭാഗവും ഒപി വിഭാഗവും പ്രവര്‍ത്തിക്കുന്ന മൂന്നുനില കെട്ടിടത്തിലാണ് അഗ്‌നിബാധയുണ്ടായത്.
ഇനിയും പൂര്‍ത്തീകരിക്കാത്ത കെട്ടിടത്തില്‍ ഓര്‍ക്കാപ്പുറത്തുണ്ടായ അഗ്‌നിബാധയില്‍ ആശുപത്രിയിലുണ്ടായിരുന്നവരും രോഗികളും നാട്ടുകാരും ഭീതിയിലായി. ഒരു വര്‍ഷം മുമ്പ് ഉദ്ഘാടനം നടത്തിയ കെട്ടിടത്തിലെ നിര്‍മ്മാണ പ്രവര്‍ത്തനങ്ങളെക്കുറിച്ചും സുരക്ഷാവീഴ്ചകളെക്കുറിച്ചും സമഗ്രമായ അന്വേഷണം ഉടനുണ്ടാകണം.
ഈ ആവശ്യം ഉന്നയിച്ച് കേന്ദ്രമന്ത്രിക്ക് നിവേദനം നല്‍കുമെന്നും നേതാക്കള്‍ അറിയിച്ചു. കെട്ടിടസമുച്ചയം ഇനിയും ഇഎസ്‌ഐ അധികൃതര്‍ക്ക് കൈമാറിയിട്ടില്ലാത്തതിനാല്‍ നിര്‍മ്മാണജോലികള്‍ നടത്തുന്ന എല്‍ ആന്‍ഡ് ടി കമ്പനിയില്‍നിന്ന് നഷ്ടപരിഹാരമടക്കം ഈടാക്കണമെന്നും ബിജെപി യോഗം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: