ചേര്‍ത്തല: അര്‍ത്തുങ്കല്‍ എസ്‌ഐ: കെ.പി. വിക്രമനെ അഭിനന്ദിച്ച് ലോകത്തിലെ ഏറ്റവും മികച്ച പോലീസ് സേനയെന്നറിയപ്പെടുന്ന സ്‌കോട്‌ലന്റ് യാര്‍ഡ് ഓഫീസറുടെ കത്ത്. മെട്രോ പൊളിറ്റന്‍ പോലീസ് സ്‌പെഷലിസ്റ്റ് പ്രൊട്ടക്ഷന്‍ കമാന്‍ഡിങ് ഇന്‍സ്‌പെക്ടറായ ആന്‍ഡ്രൂ കോണ്‍വേയാണ് ഉദ്യോഗസ്ഥനെ പ്രകീര്‍ത്തിച്ച് ഡിജിപിക്ക് മെയില്‍ സന്ദേശം അയച്ചത്. കോണ്‍വേയും കുടുംബവും 2014 ഡിസംബര്‍ 24ന് മാരാക്കുളം ബീച്ചില്‍ വിനോദയാത്രക്ക് വന്നിരുന്നു. കോണ്‍വേയും മകളും കയലില്‍ കുളിക്കുന്നതിനിടെ മണ്ണഞ്ചേരി സ്വദേശികളായ യുവാക്കള്‍ ശല്യം ചെയ്തതുമായി ബന്ധപ്പെട്ട് എസ്‌ഐ: വിക്രമന്റെ നേതൃത്വത്തിലുള്ള പോലീസ് നടപടികളാണ് കത്തിനാധാരം.
അടിയന്തരമായി കടപ്പുറത്തെത്തിയ പോലീസ് കോണ്‍വെയെയും കുടുംബത്തേയും സ്‌റ്റേഷനിലെത്തിക്കുകയും പ്രതികളെ കസ്റ്റഡിയിലെടുക്കുകയും ചെയ്തു. പ്രതികളോടുള്ള എസ്‌ഐയുടെ കര്‍ശന നിലപാടും, ഇരകളോടുള്ള ബഹുമാനവും മാതൃകാപരമാണെന്ന് കത്തില്‍ പറയുന്നു. നമ്മുടെ നാട്ടിലെത്തി തിരിച്ചുപോകുന്ന വിദേശികള്‍ക്ക് കേരളത്തെക്കുറിച്ച് മോശമായ അഭിപ്രായം ഉണ്ടാകാതിരിക്കുവാന്‍ ഇത്തരം കുറ്റക്കാര്‍ക്കെതിരെ കര്‍ശന നിലപാട് സ്വീകരിക്കുമെന്ന് എസ്‌ഐ: വിക്രമന്‍ പറഞ്ഞു.
പ്രതികരിക്കാൻ ഇവിടെ എഴുതുക: