ആലപ്പുഴ: മോഷ്ടിച്ച ബൈക്കുമായി പതിനേഴുകാരനെ പോലീസ് പിടികൂടി. പുന്നപ്ര സ്വദേശിയായ വിദ്യാര്‍ത്ഥിയെയാണ് വണ്ടാനം മെഡിക്കല്‍ കോളേജ് ആശുപത്രി പരിസരത്ത് നിന്നും എയ്ഡ് പോസ്റ്റ് പോലീസ് പിടികൂടിയത്. രണ്ട് മാസം മുന്‍പ് നീര്‍ക്കുന്നം ഇടവന മഠത്തില്‍ റിയാസിന്റെ ബൈക്ക് അമ്പലപ്പുഴ ലതാഗ്യാസ് ഏജന്‍സിക്ക് സമീപത്തു നിന്നും പകല്‍ മോഷണം പോയിരുന്നു. ഇത് സംബന്ധിച്ച് അമ്പലപ്പുഴ പോലീസില്‍ പരാതി നല്‍കിയിരുന്നു. ഇതിനിടെയാണ് കഴിഞ്ഞ ദിവസം ആശുപത്രി പരിസരത്ത് സംശയാസ്പദമായ നിലയില്‍ ബൈക്കുമായി വിദ്യാര്‍ത്ഥിയെ പോലീസ് പിടികൂടിയത്. പരസ്പര വിരുദ്ധമായ മറുപടി നല്‍കിയതിനാല്‍ വിദ്യാര്‍ത്ഥിയെ അമ്പലപ്പുഴ പോലീസിന് കൈമാറി. തുടര്‍ന്ന് നടത്തിയ ചോദ്യം ചെയ്യലിലാണ് ബൈക്ക് മോഷ്ടിച്ചതാണന്ന വിവരം അറിയുന്നത്.
Friday, November 29, 2024
മോഷ്ടിച്ച ബൈക്കുമായി പതിനേഴുകാരന്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: