ബൈക്കിലെത്തിയ യുവാവ് യുവതിയുടെ മാല അപഹരിച്ചു

അമ്പലപ്പുഴ: ബൈക്കിലെത്തിയ യുവാവ് യുവതിയെ അക്രമിച്ച് മാല അപഹരിച്ചു. പായല്‍ക്കുളങ്ങര ആതിരാലയത്തില്‍ ജയ (25)യുടെ മാലയാണ് കവര്‍ന്നത്. തിങ്കളാഴ്ച രാത്രി ഏഴരയോടെയായിരുന്നു സംഭവം. അമ്പലപ്പുഴയില്‍ നിന്ന് കുട്ടിയോടൊപ്പം പായല്‍ക്കുളങ്ങരയിലെ വീട്ടിലേക്ക് മടങ്ങുകയായിരുന്നു ജയ. പിന്നാലെ ബൈക്കിലെത്തിയ യുവാവ് ജയയെ അക്രമിച്ച് താഴെയിട്ട ശേഷം മാല പൊട്ടിച്ച് കടന്നുകളയുകയായിരുന്നു. അമ്പലപ്പുഴ പോലീസില്‍ പരാതി നല്‍കി.