കാഞ്ഞിരത്തുങ്കല്‍ ക്ഷേത്രത്തില്‍ കൊടിയേറി

അരൂര്‍: എരമല്ലൂര്‍ 671-ാം നമ്പര്‍ എസ്എന്‍ഡിപി ശാഖായോഗം വക കാഞ്ഞിരത്തുങ്കല്‍ ഘണ്ഠാകര്‍ണ ദേവീ ക്ഷേത്രത്തിലെ ഉത്സവം തുടങ്ങി. ജനുവരി 25ന് ആറാട്ടോടെ സമാപിക്കും. ഇന്ന് വൈകിട്ട് 6.10നും ഏഴിനും മദ്ധ്യേ എരമല്ലൂര്‍ ഉഷേന്ദ്രന്‍ തന്ത്രിയുടെ മുഖ്യകാര്‍മ്മികത്വത്തില്‍ കൊടിയേറ്റ്, തുടര്‍ന്ന് സമ്പൂര്‍ണ നാരായണീയ പാരായണം. 19ന് നാട്ടുതാലപ്പൊലി. 20ന് ഗരുഡവാഹന എഴുന്നള്ളിപ്പ്. 21ന് ദേശകാവടി ഘോഷയാത്ര, രാത്രി ഒമ്പതിന് ബിജു മല്ലാരിയുടെ ജുഗല്‍ബന്ദി. 22ന് ഗാനോത്സവം-2015. 23ന് ഗാനമേള. പള്ളിവേട്ട മഹോത്സവമായ 24ന് വൈകിട്ട് നാലിന് പകല്‍പ്പൂരം. 25ന് ആറാട്ട് മഹോത്സവത്തോടെ ഉത്സവം സമാപിക്കും.