കുമളി : പ്രണയം നടിച്ച് പതിമൂന്ന് കാരിയായ വിദ്യാര്‍ത്ഥിനിയെ പീഡിപ്പിച്ച ഓട്ടോഡ്രൈവര്‍ അറസ്റ്റില്‍. .ഒട്ടകതലമേട് കുരിശടിയില്‍ ഷെബിന്‍(19)ആണ് അറസ്റ്റിലായത്. സംഭവത്തെക്കുറിച്ച് പൊലീസ് പറയുന്നതിങ്ങനെ:
പ്രതിയുടെ ആയല്‍വാസിയായ 9ാം ക്ലാസ് വിദ്യാര്‍ത്ഥിയെ പ്രണയം നടിച്ച് വശത്താകുകയായിരുന്നു.ഒന്നാം മൈല്‍ ഗവ:ഹൈസ്‌ക്കൂളില്‍ പഠിക്കുന്ന വിദ്യാര്‍ത്ഥി രാവിലെ സ്‌ക്കൂളില്‍ പോകാതെ പ്രതിയുടെ ഓട്ടോയില്‍ ആറാം മൈല്‍ഭാഗത്തേക്ക് പോകുകയായിരുന്നു.ഓട്ടോയില്‍ വച്ച് പീഡിപ്പിച്ചതായി പ്രതിസമ്മതിച്ചു. ഇരുവരെയും ഒന്നിച്ച് കണ്ട ആയല്‍വാസി പെണ്ണിന്റെ വീട്ടില്‍ വിവരമറിയിച്ചു. രക്ഷകര്‍ത്താക്കള്‍ സ്‌ക്കൂളില്‍ തിരക്കിയപ്പോള്‍ കുട്ടിയെകാണത്തതിനെ തുടര്‍ന്ന് കുമളി പൊലീസില്‍ പരാതിനല്‍കി.
വിദ്യാര്‍ത്ഥിയെ തിരക്കുന്നതായി മനസിലാക്കിയ പ്രതി കുട്ടിയെ പിന്നീട് സ്‌ക്കൂള്‍ പരിസരത്ത് ഇറക്കിവിട്ട് കടന്നുകളയുകയായിരുന്നു. വൈദ്യപരിശോധനയില്‍ വിദ്യാര്‍ത്ഥിനി പീഡനത്തിന് ഇരയായതായി റിപ്പോര്‍ട്ടില്‍ പറയുന്നു. കുമളി പൊലീസ് എസ്.ഐ സോണി മത്തായി അറസ്റ്റ് രേഖപ്പെടുത്തി സി.ഐ ആര്‍ഷാദിന് കൈമാറുകയായിരുന്നു.പ്രതിയെ ഇന്ന് പീരുമേട് കോടതിയില്‍ ഹാജരാക്കും.
പ്രതികരിക്കാൻ ഇവിടെ എഴുതുക: