തിരുവനന്തപുരം: കേരളത്തിന്റെ തനത് പാരമ്പര്യത്തിനും ജലമേള സംസ്കാരത്തിനും കേന്ദ്ര വിനോദസഞ്ചാര മന്ത്രാലയത്തിന്റെ അകമഴിഞ്ഞ പിന്തുണ.
2026 സെപ്റ്റംബർ 13-ന് നടക്കുന്ന പ്രസിദ്ധമായ ‘ഉത്രാടം തിരുനാൾ പമ്പാ ജലോത്സവം’ കൂടുതൽ വിപുലമായി സംഘടിപ്പിക്കുന്നതിനായി, കേന്ദ്ര ടൂറിസം മന്ത്രാലയത്തിന്റെ DPPH പദ്ധതി പ്രകാരം ₹10 ലക്ഷം രൂപയുടെ സാമ്പത്തിക സഹായത്തിന് തത്വത്തിലുള്ള അനുമതി ലഭ്യമായിരിക്കുകയാണെന്ന് കേന്ദ്രമന്ത്രി സുരേഷ്‌ഗോപി അറിയിച്ചു. തന്റെ ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം പങ്കുവെച്ചത്.
സംസ്ഥാന സർക്കാരിന്റെയും സംഘാടക സമിതിയുടെയും നേതൃത്വത്തിൽ നടക്കുന്ന ഈ നാടിന്റെ മഹോത്സവത്തിന് കേന്ദ്ര വിഹിതം കൃത്യമായി പ്രയോജനപ്പെടുന്നതിനായി, മന്ത്രാലയം നിഷ്കർഷിച്ചിട്ടുള്ള ഔദ്യോഗിക മാനദണ്ഡങ്ങൾ മുൻഗണനയോടെ പാലിച്ച് നടപടിക്രമങ്ങൾ പൂർത്തിയാക്കുമെന്ന് അദ്ദേഹം പ്രത്യാശിക്കുന്നു.
കൂടാതെ പമ്പയുടെ ഓളങ്ങളിൽ ആവേശം തീർക്കുന്ന വള്ളംകളി പ്രേമികൾക്കും നാടിനും എന്റെ ഹൃദയം നിറഞ്ഞ ജലോത്സവ ആശംസകൾ നേര്‍ന്നു.
