തിരുവനന്തപുരം: 47 മത് കേരള പോലീസ് സ്റ്റേറ്റ് അത്ലറ്റിക്സ് ആന്ഡ് ഗെയിംസ് മീറ്റിന് ട്രാക്കുണര്ന്നു. തിരുവനന്തപുരം ചന്ദ്രശേഖര് നായര് സ്റ്റേഡിയത്തിലും യൂണിവേഴ്സിറ്റി സ്റ്റേഡിയത്തിലുമായി വിവിധ കായിക ഇനങ്ങള് ഇന്നലെ രാവിലെ 7 മണിക്ക് ആരംഭിച്ചു.
ഇന്ത്യ റിസര്വ്ഡ് ബറ്റാലിയന് വനിതാ വിഭാഗം ആദ്യമായി പങ്കെടുക്കുന്നു എന്ന സവിശേഷത കൂടി ഇക്കൊല്ലാതെ കേരള പോലീസ് കായികമേളയുടെ പ്രത്യേകതയാണ്. കേരള പോലീസ് സേനയുടെ വിവിധ ബെറ്റാലിയനുകള് പങ്കെടുക്കുന്ന മത്സരങ്ങളില് മികച്ച നേട്ടം കരസ്ഥമാക്കി ഇന്ത്യ റിസേര്വ്ഡ് ബറ്റാലിയന് 36 പോയിന്റുകളുമായി ഒന്നാം സ്ഥാനത്തും തൊട്ടു പിന്നാലെ ഒരു പോയിന്റ് വ്യത്യാസത്തില് കേരള ആംഡ് വുമണ് പോലീസ് ബറ്റാലിയന് രണ്ടാം സ്ഥാനത്തിലും തുടരുന്നു. 15 വര്ഷമായി നിലനിന്ന ടിന്റു എന്ഡിയുടെ 1.66 മീറ്റര് എന്ന റെക്കോര്ഡ് തകര്ത്ത് 1. 70 ഉയരത്തില് പുതിയ റെക്കോര്ഡ് സൃഷ്ടിച്ചിരിക്കുകയാണ് കേരള ആംഡ് വുമണ് പോലീസ് ബറ്റാലിയനിലെ ആതിര സോമരാജ്. രാവിലെ യൂണിവേഴ്സിറ്റി ഗ്രൗണ്ടില് നടന്ന ഷോട്ട്പുട്ട് മത്സരയിനത്തില് ഇന്ത്യ റിസേര്വ്ഡ് ബറ്റാലിയന് താരം ആശ അബ്രഹാം (8.17 മീറ്റര്) ഒന്നാം സ്ഥാനം കരസ്ഥമാക്കി. 5000 മീറ്റര് പുരുഷ വിഭാഗം ഒന്നാം സ്ഥാനം സ്പെഷ്യല് ഓപ്പറേഷന് ഗ്രൂപ്പിലെ ഷിബില് അഹമ്മദിനും 5000 മീറ്റര് വനിതാ വിഭാഗത്തില് കേരള ആംഡ് വുമണ് പോലീസ് ബറ്റാലിയനിലെ ശ്വേത എന്, സ്വന്തമാക്കി.
ലോങ്ങ് ജമ്പ് വനിതാ വിഭാഗത്തില് മലബാര് സ്പെഷ്യല് പോലീസ് രമ്യ രാജന് (5.21) മീറ്റര് ഉയരത്തില് സ്വര്ണം സ്വന്തമാക്കി. 100 മീറ്റര് സീനിയര് വനിതാ വിഭാഗം സിനി മോള് ഒന്നാം സ്ഥാനം കരസ്ഥമാക്കി. ലോങ്ങ് ജംമ്പ് പുരുഷ വിഭാഗം മലബാര് സ്പെഷ്യല് പോലീസിലെ 400 മീറ്ററില് അര്ജുന് 0.17 സെക്കന്ഡ് വ്യത്യാസത്തില് മുന്കാല റെക്കോര്ഡ് തകര്ക്കാന് സാധിക്കാതെ സ്വര്ണം കരസ്ഥ-മാക്കി . 100 മീറ്റര് സൂപ്പര് സീനിയര് വനിതാ വിഭാഗം കോഴിക്കോട് റൂറലിലെ സതിയും പുരുഷ വിഭാഗം ഷോട്ട്പുട്ട് മത്സരത്തില് കണ്ണൂര് സിറ്റി ഡിസ്ട്രിക്റ്റ് ആന്റി നര്ക്കോട്ടിക് സ്പെഷ്യല് ആക്ഷന് ഫോഴ്സിലെ അബ്ദുള് നിഷാദ് 11.24 മീറ്റര് ഒന്നാം സ്ഥാനവും കരസ്ഥമാക്കി. സൂപ്പര് സീനിയര് വനിതാ വിഭാഗം മത്സരത്തില് ബിജി കെപി ഒന്നാം സ്ഥാനവും നേടി. സീനിയര് വനിതാ വിഭാഗം ഷോട്പുട് മത്സരത്തില് സ്റ്റേറ്റ് സ്പെഷ്യല് ബ്രാഞ്ചിലെ രാജി കൃഷ്ണന് (7.15 ) ഒന്നാം സ്ഥാനം നേടി.
