ഇടുക്കി: മുല്ലപ്പെരിയാര് അണക്കെട്ടില് ആദ്യ ഘട്ട പരിശോധന നടത്തിയതിന്റെ റിപ്പോര്ട്ട് 15 ദിവസത്തിനകം ദേശീയ ഡാം സുരക്ഷ അതോറിറ്റിക്ക് സമര്പ്പിക്കുമെന്ന് സമഗ്ര പരിശോധന സമിതി ചെയര്മാന് ബല്രാജ് ജോഷി. ബുധനാഴ്ച നടക്കുന്ന യോഗത്തില് കൂടുതല് പരിശോധന വേണമോയെന്ന് ചര്ച്ച ചെയ്ത് തീരുമാനിക്കും.
സുരക്ഷയുമായി ബന്ധപ്പെട്ട എല്ലാ ഘടകങ്ങളും പരിശോധിക്കും.റിപ്പോര്ട്ട് നിഷ്പക്ഷമായിരിക്കും- ബല്രാജ് ജോഷി പറഞ്ഞു.
സുപ്രീം കോടതി ഉത്തരവ് പ്രകാരമാണ് അഞ്ചംഗ വിദഗ്ദ്ധ സമിതി പരിശോധനകള് നടത്തിയത്.ദേശീയ ജല വൈദ്യുത കോപ്പറേഷന് മുന് സിഎംഡി ബല്രാജ് ജോഷി അധ്യക്ഷനായ സമിതിയാണ് പരിശോധന നടത്തിയത്. ഒഡീഷ ജലവിഭവ വകുപ്പ് മുന് മെമ്പര് സെക്രട്ടറി അശുതോഷ് ദാസ് ആണ് കേരള പ്രതിനിധി. കോതമംഗലം സ്വദേശി ജോ ജോസഫ് നല്കിയ ഹര്ജിയില് 2022 ലാണ് മുല്ലപ്പെരിയാറില് പുതിയതായി സമഗ്ര സുരക്ഷ പരിശോധന നടത്താന് സുപ്രീം കോടതി നിര്ദേശിച്ചത്.
