കൊല്ലം:കൊട്ടാരക്കര താലൂക്ക് ആശുപത്രിയില് രോഗിയോട് മോശമായി പെരുമാറിയ ഡോക്ടര് രേഖ കൃഷ്ണന് നിര്ബന്ധിത അവധി.രോഗിയോടും ഒപ്പം എത്തിയവരോടും മോശമായി പെരുമാറുന്ന ദൃശ്യം പ്രചരിച്ചതിന് പിന്നാലെ രേഖ കൃഷ്ണന് സൂപ്രണ്ട് കാരണം കാണിക്കല് നോട്ടീസ് നല്കി.
ആരോഗ്യ വകുപ്പ് വിഭാഗം ആശുപത്രിയിലെത്തി അന്വേഷണം നടത്തി.കൊട്ടാരക്കര താലൂക്ക് ആശുപത്രിയില് കാഷ്വാലിറ്റി ഡ്യൂട്ടിയില് ഉണ്ടായിരുന്ന ഡോ രേഖ കൃഷ്ണന് ഞായറാഴ്ച അര്ദ്ധരാത്രി എത്തിയ രോഗിയോടും ഒപ്പമെത്തിയവരോടും തര്ക്കിക്കുന്ന ദൃശ്യമാണ് പുറത്തുവന്നത്. പനിയും ശരീരം വേദനയും എമര്ജന്സിയല്ല. ഇത് തുറന്ന് വെച്ചിരിക്കുന്നത് നിങ്ങള്ക്ക് ഓടിക്കയറാന് അല്ലെന്നുമാണ് ഡോക്ടര് പറഞ്ഞത്.
പാതിരാത്രി കഴിഞ്ഞെന്നും ഇത് തോന്നിവാസം ആണെന്നും ഡോക്ടര് ചികിത്സ തേടി എത്തിയവരോട് പറഞ്ഞു. : പനിയും കടുത്ത നെഞ്ചുവേദനയുമായി എത്തിയ വെട്ടിക്കവല പച്ചൂര് സുധാഭവനില് സുജി (45)യ്ക്കാണ് ദുരനുഭവമുണ്ടായത്. ബന്ധുവായ യുവതിയോടൊപ്പമാണ് ഇവര് ആശുപത്രിയില് എത്തിയത്.
അസുഖം വല്ലതും ഉണ്ടെങ്കില് വൈകിട്ട് ആറിനുമുമ്പ് തീര്ത്തോണം.ആറിനുശേഷം കൂട് കയറിക്കോണം. അതിനുശേഷം വീട്ടില്നിന്ന് ഇറങ്ങുന്നതിന് വേറെ രീതിയിലാണ് കണക്കാക്കുന്നത്.എന്നിങ്ങനെയാണ് ഡോക്ടര് പറഞ്ഞത്.ഒട്ടും വയ്യാത്തതുകൊണ്ടാണ് അര്ധരാത്രിയില് വന്നതെന്ന് രോഗി പറഞ്ഞപ്പോള് എന്ത് വയ്യായ്മയാണ് നിങ്ങള്ക്ക് ഉണ്ടായതെന്നാണ് ഡോക്ടര് തിരിച്ചുചോദിച്ചത്.
