കൊച്ചി: അപര്ണ തോമസുമായുള്ള തന്റെ പതിനൊന്ന് വര്ഷത്തെ ദാമ്പത്യ ജീവിതം അവസാനിച്ചു എന്ന്, ഇന്ന് ആഗസ്റ്റ് 24 ന് പതിനൊന്നാം വിവാഹ വാര്ഷികത്തിലാണ് ജീവ ഫോളോവേഴ്സിനെ അറിയിച്ചത്. ദിവസങ്ങളോളമായി സോഷ്യല് മീഡിയയില് പ്രചരിക്കുന്ന വിവാഹ മോചന ഗോസിപ്പുകള്ക്ക് അവസാനം ഒരുത്തരമായി. ഇപ്പോഴിതാ വിഷയത്തില് അപര്ണ തോമസും പ്രതികരിക്കുന്നു.
തങ്ങളുടെ വേർപിരിയലിനെക്കുറിച്ച് ജീവ ജോസഫ് പങ്കുവെച്ച വൈകാരിക ഇൻസ്റ്റാഗ്രാം പോസ്റ്റിന് പിന്നാലെയാണ് അപർണ്ണ തന്റെ ഇൻസ്റ്റാഗ്രാം സ്റ്റോറിയിലൂടെ പ്രതികരണം കുറിച്ചത്. തീരുമാനം എളുപ്പമായിരുന്നില്ലെന്നും എന്നാൽ തനിക്കിപ്പോൾ മനസ്സമാധാനവും സന്തോഷവും തോന്നുന്നുണ്ടെന്നും അപർണ്ണ കുറിപ്പിലൂടെ വ്യക്തമാക്കി.
അപര്ണ തോമസിന്റെ പോസ്റ്റ്
നിങ്ങളില് പലരും എന്നില് നിന്ന് ഒരു പ്രതികരണത്തിനായി കാത്തിരിക്കുകയായിരുന്നു എന്ന് എനിക്കറിയാം, അതിനാല് ഞാന് നിങ്ങളോട് നേരിട്ട് സംസാരിക്കുകയാണ്.
അതെ, വിവാഹബന്ധം അവസാനിച്ചു. ആ ബന്ധം വര്ക്കൗട്ട് ആയില്ല. സത്യസന്ധമായി പറഞ്ഞാല് ഇനി മുന്നോട്ടു തുടരാന് ഞാന് ആഗ്രഹിച്ചതുമില്ല. വേര്പിരിയുക എന്നത് എളുപ്പമുള്ള ഒരു തീരുമാനമായിരുന്നില്ല, ഞങ്ങള് രണ്ടുപേര്ക്കും അങ്ങനെ തന്നെയായിരിക്കും എന്നാണ് ഞാന് കരുതുന്നത്. എനിക്കായി ഞാന് എടുക്കേണ്ടിയിരുന്ന ഒരു തീരുമാനമായിരുന്നു ഇത്.
ഇന്ന്, പൂര്ണ്ണ സമാധാനത്തിലാണ് ഞാനുള്ളതെന്ന് എനിക്ക് ഉല്സവത്തോടെ പറയാന് കഴിയും. ഞാന് സന്തോഷവതിയാണ്, സുരക്ഷിതത്വം അനുഭവപ്പെടുന്നു, ഒപ്പം ഒരുപാട് കാലത്തിന് ശേഷം മനസ്സിന് വലിയൊരു ആശ്വാസം തോന്നുന്നുണ്ട്.
എന്താണ് സംഭവിച്ചത് എന്ന് വിശദീകരിക്കാനോ ഓരോ കാര്യങ്ങളും തുറന്നു പറയാനോ ഞാന് ആഗ്രഹിക്കുന്നില്ല, കാരണം ചില കാര്യങ്ങള് വളരെ വ്യക്തിപരമാണ്. എനിക്ക് ഇനി മുന്പോട്ട് പോകണം, സമാധാനത്തോടെ ജീവിക്കണം.
ദയവായി ഞങ്ങളുടെ സ്വകാര്യതയെ മാനിക്കുകയും ആ ഒരു സ്വാതന്ത്ര്യം തരികയും ചെയ്യുക. അത്രമാത്രമേ ഞാന് ആവശ്യപ്പെടുന്നുള്ളൂ. നിങ്ങള് ഇത് മനസ്സിലാക്കുമെന്ന് കരുതുന്നു- അപര്ണ തോമസ് പറഞ്ഞു.
ഇതോടെ ഈ ചാപ്റ്റര് അവസാനിച്ചു എന്നാണ് പോസ്റ്റിന് അപര്ണ നല്കിയിരിക്കുന്ന ക്യാപ്ഷന്
