ന്യൂദല്‍ഹി: ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്‌സ് (ബിഐഎസ്) നിബന്ധനകള്‍ പാലിക്കാത്ത കളിപ്പാട്ടങ്ങള്‍ വിതരണം ചെയ്തതിന് സെന്‍ട്രല്‍ കണ്‍സ്യൂമര്‍ പ്രൊട്ടക്ഷന്‍ അതോറിറ്റി ഫ്‌ളിപ്കാര്‍ട്ടിന് 5 ലക്ഷം രൂപ പിഴ ചുമത്തി. ഭാവിയില്‍ ഫ്‌ളിപ്കാര്‍ട്ടിന്റെ പ്ലാറ്റ്ഫോമില്‍ നിലവാരമില്ലാത്ത ഒരു കളിപ്പാട്ടവും ലിസ്റ്റ് ചെയ്യുകയോ ഹോസ്റ്റ് ചെയ്യുകയോ പരസ്യപ്പെടുത്തുകയോ പ്രദര്‍ശിപ്പിക്കുകയോ വില്‍പ്പനയ്‌ക്ക് വയ്‌ക്കുകയോ ചെയ്യരുതെന്ന് അതോറിറ്റി ഉത്തരവിട്ടു.
തങ്ങള്‍ ഇടനിലക്കാരന്‍ മാത്രമാണെന്ന ഫ്‌ളിപ്കാര്‍ട്ടിന്റെ വാദം അതോറിറ്റി തള്ളി. ഫ്‌ളിപ്കാര്‍ട്ട് ഉല്‍പ്പന്നങ്ങളെ ‘ഫ്‌ളിപ്കാര്‍ട്ട് അഷ്വേര്‍ഡ്’, ‘ബെസ്റ്റ് സെല്ലര്‍’, ‘ട്രെന്‍ഡിംഗ്’, ‘എഡിഷന്‍’ എന്നിങ്ങനെ ലേബല്‍ ചെയ്യാന്‍ അല്‍ഗോരിതങ്ങള്‍ ഉപയോഗിച്ചിട്ടുണ്ട്. ആ നിലയ്‌ക്ക് ഒരു നിഷ്പക്ഷ ഹോസ്റ്റ് എന്ന് വിശേഷപ്പിക്കാന്‍ കഴിയില്ല.
‘ഫ്‌ളിപ്കാര്‍ട്ട് അഷ്വേര്‍ഡ്’ എന്ന ലേബല്‍, ഒരു ഉല്‍പ്പന്നത്തിന്റെ സുരക്ഷയും ഗുണനിലവാരവും ഫ്‌ളിപ്കാര്‍ട്ട് പരിശോധിച്ചിട്ടുണ്ടെന്ന് ഉപഭോക്താക്കളില്‍ തോന്നല്‍ ജനിപ്പിക്കും. അതോറിറ്റി ചൂണ്ടിക്കാട്ടി.
2021 ജനുവരി 1 മുതല്‍ പ്രാബല്യത്തില്‍ വന്ന ഉത്തരവ് പ്രകാരം, 14 വയസ്സിന് താഴെയുള്ള കുട്ടികള്‍ക്കായി ഉദ്ദേശിച്ചിട്ടുള്ള കളിപ്പാട്ടങ്ങള്‍ നിര്‍ദ്ദിഷ്ട സുരക്ഷാ മാനദണ്ഡങ്ങള്‍ പാലിക്കുന്നതും ബിഐഎസ് സ്റ്റാന്‍ഡേര്‍ഡ് മാര്‍ക്ക് ഉള്ളവയുമാകണം.
ബിഐഎസ് നിബന്ധനകള്‍ പാലിക്കാത്ത കളിപ്പാട്ടങ്ങളുടെ വിതരണം: ഫ്‌ളിപ്കാര്‍ട്ടിന് 5 ലക്ഷം രൂപ പിഴ
Flipkart
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.