കന്യാകുമാരി: സര്ക്കാര് സ്കൂള് വരാന്തയിലിരുന്ന് മദ്യപിക്കുന്ന വിദ്യാര്ത്ഥിനികളുടെ ദൃശ്യങ്ങള് പുറത്തെത്തിയതിനെ തുടര്ന്ന് ജില്ലാ കളക്ടര് അന്വേഷണം പ്രഖ്യാപിച്ചു.കന്യാകുമാരി ജില്ലയിലെ തക്കല സര്ക്കാര് എച്ച്എസ്എസില് ആണ് സ്കൂള് യൂണിഫോം ധരിച്ച പെണ്കുട്ടികള് മദ്യപിച്ചത്.
ആഗസ്റ്റ് ഒന്ന് ശനിയാഴ്ചയാണ് സംഭവം നടന്നതെന്നാണ് അറിയുന്നത്. പെണ്കുട്ടികള് മദ്യപിക്കുന്നതും ഭക്ഷണം കഴിക്കുന്നതും ദൃശ്യങ്ങളിലുണ്ട്.പുറത്തുനിന്ന് ഭക്ഷണം എത്തിക്കുന്നതിനെക്കുറിച്ചും മദ്യപാനത്തെക്കുറിച്ചുമാണ് പെണ്കുട്ടികള് സംസാരിക്കുന്നത്.
ദൃശ്യങ്ങള് സാമൂഹ്യ മാധ്യമങ്ങളില് പ്രചരിച്ചതോടെയാണ് ജില്ലാ കളക്ടര് വിദ്യാഭ്യാസ വകുപ്പിനോട് അന്വേഷണം നടത്താന് നിര്ദേശിച്ചത്.സ്കൂള് ക്യാമ്പസില് മദ്യം എങ്ങനെ എത്തി എന്നതടക്കം അന്വേഷിക്കും. എന്ട്രന്സ് പരീക്ഷകള്ക്കുള്ള പരിശീലനവും ഈ സ്കൂളില് നടക്കുന്നതിനാല് ഈ പ്രത്യേക ക്ലാസിന് ശേഷമാകാം പെണ്കുട്ടികള് പുറത്തുനിന്ന് മദ്യവും ഭക്ഷണവും എത്തിച്ചതെന്നാണ് നിഗമനം.
സ്കൂള് അധികൃതരുടെ ഭാഗത്ത് ഗുരുതര വീഴ്ച ഉണ്ടായതിനാല് പ്രിന്സിപ്പല് പ്രമീളയെ ജില്ലാ കളക്ടര് സ്ഥലംമാറ്റി. നാഗര്കോവിലിലെ മറ്റൊരു സ്കൂളിലേക്കാണ് മാറ്റിയത്. സംഭവത്തില് വിശദമായ അന്വേഷണം നടത്തുമെന്നാണ് വിവരം.
