തിരുവനന്തപുരം: സംസ്ഥാനത്ത് ചൊവ്വാഴ്ച വീണ്ടും വൈദ്യുതി നിയന്ത്രണം ഉണ്ടാകും.ഇന്നത്തെ വൈദ്യുതി ഉപഭോഗം 300 മെഗാവാട്ടുവരെ വര്ധിക്കാന് സാധ്യതയുണ്ടെന്ന് കെഎസ്ഇബി അധികൃതര് പറഞ്ഞു.
മഴ കുറഞ്ഞതും അന്തരീക്ഷ താപനില ഉയര്ന്നതും വൈദ്യുതി ഉപഭോഗം വലിയ രീതിയില് കൂട്ടി. മുന് ദിവസങ്ങളെ അപേക്ഷിച്ച് ഇന്നത്തെ വൈദ്യുതി ഉപഭോഗം 300 മെഗാവാട്ടിന് മുകളിലേക്ക് എത്താന് സാധ്യതയുണ്ടെന്ന് കെഎസ്ഇബി കണക്കുകൂട്ടുന്നു.ഈ സാഹചര്യത്തില് പീക്സമയങ്ങളില് സംസ്ഥാനത്ത് വൈദ്യുതി നിയന്ത്രണം ഉണ്ടാകും.ആറുമണി മുതല് 11 മണി വരെയുള്ള സമയങ്ങളില് അരമണിക്കൂറിലധികം വൈദ്യുതി നിയന്ത്രണം ഉണ്ടാകും.
രാജ്യത്ത് ആകെ വൈദ്യുതിയുടെ ആവശ്യകത വര്ദ്ധിച്ചതിനാല് പവര് എക്സ്ചേഞ്ചിലൂടെ ലഭ്യമാകുന്ന വൈദ്യുതിയുടെ ലഭ്യതയിലും കാര്യമായ കുറവുണ്ടായി. എന്ടിപിസി, പവര് പ്ലസ് ട്രേഡിംഗ് സൊല്യൂഷന്സ് എന്നീ കമ്പനികളില് നിന്ന് ലഭിച്ച 200 മെഗാവാട്ട് വൈദ്യുതി രാത്രിയിലെ പീക് സമയത്ത് മാത്രം ഉപയോഗിക്കാന് കഴിയില്ല. മഴ പെയ്തില്ലെങ്കില് സ്ഥിതി കൂടുതല് ഗുരുതരമാകും. അങ്ങനെയെങ്കില് വരും ദിവസങ്ങളിലും വൈദ്യുതി നിയന്ത്രണം തുടരും.
