തിരുവനന്തപുരം: കേരളത്തിന് പുറത്താണെന്നതിനാല്, കഴിഞ്ഞ സര്ക്കാരിന്റെ കാലത്ത് യൂത്ത് കോണ്ഗ്രസ് നേതാക്കളെ മര്ദ്ദിച്ച കേസ് അട്ടിമറിച്ചെന്ന ആക്ഷേപത്തില് വിശദീകരണം നല്കുന്നത് വൈകുമെന്ന് എഡിജിപി എം.ആര്. അജിത്കുമാര്. സംസ്ഥാന പൊലീസ് മേധാവിയെ ഇക്കാര്യം അറിയിച്ചു.
കേസ് അട്ടിമറിയില് പ്രത്യേക അന്വേഷണസംഘത്തിന്റെ റിപ്പോര്ട്ടില് വിശദീകരണം നല്കണമെന്ന് ഡി ജി പി അജിത്കുമാറിനോട് ആവശ്യപ്പെട്ടിരുന്നു.സ്വകാര്യ സന്ദര്ശനത്തിനായി കേരളത്തിന് പുറത്താണെന്നും അടുത്ത ദിവസം മടങ്ങിയെത്തിയ ശേഷം വിശദീകരണം നല്കാമെന്നും ഡിജിപിയെ അറിയിക്കുകയായിരുന്നു.ബിവറേജസ് കോര്പറേഷന് എംഡിയാണ് ഇപ്പോള് അജിത്കുമാര്.
എം.ആര്. അജിത്കുമാര് വിശദീകരണം നല്കിയ ശേഷമേ ഡിജിപിക്ക് അന്വേഷണ റിപ്പോര്ട്ട് ആഭ്യന്തര വകുപ്പിന് കൈമാറാനാകൂ. അതേസമയം, ഡിജിപി സ്ഥാനക്കയറ്റത്തിനുള്ള സമിതി യോഗം ചേരുന്നതു വരെ അന്വേഷണ റിപ്പോര്ട്ട് സമര്പ്പിക്കുന്നത് നീട്ടുന്നതിനാണ് കേരളത്തിന് പുറത്തു പോയതെന്ന വാദം ഉന്നയിക്കുന്നതെന്ന ആരോപണവും ഉയര്ന്നിട്ടുണ്ട്.
