തിരുവനന്തപുരം:പിണറായി വിജയന്റെ നവകേരള യാത്രയ്ക്കിടെ കരിങ്കൊടി കാട്ടിയ യൂത്ത് കോണ്ഗ്രസ് നേതാക്കളെ ആലപ്പുഴയില് വച്ച് മര്ദ്ദിച്ച മുന് മുഖ്യമന്ത്രിയുടെ ഗണമാന് അടക്കം സുരക്ഷാ ഉദ്യോഗസ്ഥരെ കുറ്റവിമുക്തരാക്കാന് ഇടപെട്ട എഡിജിപി എം ആര് അജിത് കുമാറിനെതിരെ തുടരന്വേഷണ റിപ്പോര്ട്ട് നല്കി എസ്ഐടി.എംആര് അജിത് കുമാറിന്റെ പങ്ക് കൂടുതല് വ്യക്തമാക്കുന്നതാണ് റിപ്പോര്ട്ടെന്നാണ് വിവരം.
കൂടുതല് തെളിവുകളും കൈമാറി.കൂടുതല് വ്യക്തത ആവശ്യപ്പെട്ട് ഡി ജി പി റിപ്പോര്ട്ട് മടക്കി, രണ്ട് ദിവസത്തിനുളളില് എസ്ഐടി വീണ്ടും റിപ്പോര്ട്ട് നല്കുകയായിരുന്നു. റിപ്പോര്ട്ട് ഡി ജി പി സര്ക്കാരിന് കൈമാറേണ്ടതുണ്ട്.
എസ്ഐടി ആദ്യം റിപ്പോര്ട്ട് നല്കിയത് കഴിഞ്ഞ 23നാണ്. എന്നാല്, നടപടി സ്വീകരിക്കാതെ ഡി ജി പി റിപ്പോര്ട്ട് വച്ച് താമസിപ്പിച്ചത് അജിത് കുമാറിന് ഡി ജി പി ആയി സ്ഥാനക്കയറ്റം ലഭിക്കാന് അവസരമൊരുക്കാനാണെന്ന് ആരോപണമുയര്ന്നിരുന്നു. റിപ്പോര്ട്ട് ഡി ജി പിയുടെ കൈവശമാണെമന്നും സര്ക്കാരിന് ലഭിച്ചിട്ടില്ലെന്നുമാണ് മുഖ്യമന്ത്രിയും ആഭ്യന്തര മന്ത്രിയും അജിത്കുമാറിനെതിരെ നടപടി വൈകുന്നത് സംബന്ധിച്ചുളള ചോദ്യങ്ങളോട് പ്രതികരിച്ചിരുന്നത്.
