ന്യൂസിലാൻഡിൽ ഭൂകമ്പം; സുനാമി മുന്നറിയിപ്പ് നൽകി, പിൻവലിച്ചു

ന്യൂദൽഹി: ന്യൂസിലൻഡിൽ ഇന്ന് 5.9 തീവ്രത രേഖപ്പെടുത്തിയ ഭൂകമ്പം ഉണ്ടായി. സൗത്ത് ഐലൻഡിലെ ടെ അനാവു പട്ടണത്തിന് സമീപമുണ്ടായ ഭൂകമ്പത്തെത്തുടർന്ന് ആദ്യം സുനാമി മുന്നറിയിപ്പ് പുറപ്പെടുവിച്ചുവെങ്കിലും പിന്നീട് അധികൃതർ അത് ഉപദേശം മാത്രമാക്കി മാറ്റി. അനാവുവിന് ഏകദേശം 40 കിലോമീറ്റർ വടക്കായിട്ടാണ് ഭൂകമ്പം ഉണ്ടായത്, തുടക്കത്തിൽ അതിന്റെ തീവ്രത 6.3 ആയിരുന്നു കണക്കാക്കിയത്. മിൽഫോർഡ് സൗണ്ട് മുതൽ പുയ്‌സെഗുർ പോയിന്റ് വരെയുള്ള സൗത്ത് ഐലൻഡിന്റെ പടിഞ്ഞാറൻ തീരത്ത് സുനാമി മുന്നറിയിപ്പ് പുറപ്പെടുവിച്ചിരുന്നു.