പാരിസ്: യൂറോപ്പും ഇസ്ലാമിക ഭീകരതയോട് മുഖം തിരിയ്ക്കുകയാണ്. പലസ്തീന് ഭീകരവാദത്തെ വാഴ്ത്തിക്കൊണ്ടുള്ള സന്ദേശം സമൂഹമാധ്യമങ്ങളില് പങ്കുവെച്ചതിന് യൂറോപ്യന് പാര്ലമെന്റംഗമായ റിമ ഹസ്സനെ വിചാരണ ചെയ്യുകയാണ് ഫ്രാന്സിലെ കോടതി. ജപ്പാനിലെ ഇസ്രയേല് വിരുദ്ധ നിലപാടുള്ള ഭീകരസംഘടനയായ റെഡ് ആര്മിയുടെ ഇസ്രയേല് വിരുദ്ധ നേതാവ് കോസോ ഒകൊമോട്ടോയെ അനുകൂലിച്ചുകൊണ്ടുള്ള സന്ദേശം പങ്കുവെച്ചതിനാണ് റിമ ഹസ്സനെ ഫ്രഞ്ച് കോടതി വിചാരണ ചെയ്യുന്നത്.
1972ല് ഇസ്രയേലിലെ ലോഡ് വിമാനത്താവളത്തില് വെച്ച് ഇസ്രയേലികള് ഉള്പ്പെടെ 26 പേരെ വെടിവെച്ച് കൊന്ന ഭീകരനാണ് കോസോ ഒകൊമോട്ടോ. ഇത്തരത്തിലുള്ള ഒരു നേതാവിനെ വാഴ്ത്തിക്കൊണ്ടുള്ള പോസ്റ്റാണ് റിമ ഹസ്സന് സമൂഹമാധ്യമങ്ങളില് പങ്കുവെച്ചത്. “ഞാനെന്റെ യൗവനം പലസ്തീനികളുടെ ലക്ഷ്യങ്ങള്ക്ക് വേണ്ടി ഇതാ ദാനം ചെയ്തിരിക്കുന്നു”എന്ന വാചകമാണ് റിമ ഹസ്സന് പങ്കുവെച്ചത്. ഇവര്ക്കെതിരായ വിചാരണ ഫ്രാന്സിലെ കോടതിയില് ജൂലായ് ഏഴിന് ആരംഭിച്ചു. ഇതില് ശിക്ഷിക്കപ്പെട്ടാല് ഏഴ് വര്ഷം വരെ ജയില്വാസം അനുഭവിക്കേണ്ടിവരും.
ഇത് പലസ്തീന് അനുകൂല ശബ്ദം ഇല്ലാതാക്കാനുള്ള ശ്രമമാണെന്ന് റിമ ഹസ്സന് വാദിക്കുന്നു. സേവ് ഗാസ നിലപാടുകാരിയാണ് റിമ ഹസ്സന്. എന്നാല് യൂറോപ്യന് പാര്ലമെന്റംഗമായാലും ഇസ്ലാമിക ഭീകരതയോട് വിട്ടുവീഴ്ചയില്ലെന്ന് ഫ്രഞ്ച് സര്ക്കാര് പറയുന്നു. ഇസ്ലാമിക ഭീകരതയെ വാഴ്ത്തിയാല് ശിക്ഷിക്കും എന്നാണ് ഫ്രഞ്ച് സര്ക്കാരിന്റെ നിലപാട്.
