ന്യൂദല്ഹി: ഭാരത കേസരി മന്നത്തു പത്മനാഭന് രാജ്യതലസ്ഥാനത്തു സ്മാരകമൊരുങ്ങി. ദ്വാരക സെക്ടര് 11ലെ മന്നം സെന്ററിലാണ് മന്നത്ത് പത്മനാഭന്റെ വെങ്കല പ്രതിമയും സ്മൃതി മണ്ഡപവും സ്ഥാപിച്ചിരിക്കുന്നത്. എന്എസ്എസ് ദല്ഹിയാണ് സ്മാരകമൊരുക്കിയത്. ചങ്ങനാശ്ശേരി സ്വദേശി ജോണ് ഫിലിപ്പോസ് പ്രതിമ നിര്മിച്ചു.
12ന് രാവിലെ 11ന് ഉപരാഷ്ട്രപതി സി.പി. രാധാകൃഷ്ണന് സ്മൃതി മണ്ഡപം ഉദ്ഘാടനം ചെയ്യും. കേന്ദ്രമന്ത്രി സുരേഷ് ഗോപി, ബംഗാള് മുന് ഗവര്ണര് ഡോ. സി.വി. ആനന്ദബോസ് എന്നിവര് ചടങ്ങില് വിശിഷ്ടാതിഥികളാകും. മന്നത്തിന്റെ കുടുംബാംഗം എസ്. നീരദ, എന്എസ്എസ് ദല്ഹി പ്രസിഡന്റ് എംകെജി പിള്ള, വ്യവസായി ജെ.കെ. മേനോന്, ഗ്ലോബല് എന്എസ്എസ് ചെയര്മാന് എസ്.എസ്. നായര്, ധനലക്ഷ്മി ബാങ്ക് ചെയര്മാന് കലഞ്ഞൂര് മധു, ജസ്റ്റിസ് പി.എന്. രവീന്ദ്രന് തുടങ്ങിയവര് പങ്കെടുക്കും. ദല്ഹിയിലെ 25 കരയോഗങ്ങളുടെ ഭാരവാഹികള്, കുടുംബാംഗങ്ങള്, വിവിധ സമുദായ നേതാക്കള് തുടങ്ങിയവരും പരിപാടിയിലുണ്ടാകും. മന്നം പ്രതിമയിലെ പുഷ്പാര്ച്ചനയ്ക്കും പ്രാര്ത്ഥനയിലും പങ്കുചേരാന് എല്ലാവര്ക്കും അവസരം ലഭിക്കുമെന്ന് എന്എസ്എസ് ദല്ഹി പ്രസിഡന്റ് എംകെജി പിള്ളയും ജനറല് സെക്രട്ടറി എം.ഡി. ജയപ്രകാശും അറിയിച്ചു.
