കൊച്ചി: ജീവനക്കാരെ കൂട്ടമായി പിരിച്ചുവിട്ടതില് തൊഴില് വകുപ്പ് ഇടപെട്ടതിനെതിരെ ഹൈക്കോടതിയെ സമീപിച്ച കോറോ കമ്പനിക്ക് തിരിച്ചടിയേറ്റു.തൊഴില് വകുപ്പ് ഇടപെടല് സമവായ ശ്രമത്തിന്റെ ഭാഗമാണെന്നും ചര്ച്ചയില് പങ്കെടുക്കണമെന്നും കമ്പനിയോട് കോടതി നിര്ദ്ദേശിച്ചു.
കമ്പനി ഓഫീസിലേക്ക് തൊഴിലാളി സംഘടനകള് ഇന്നും പ്രതിഷേധ മാര്ച്ച് നടത്തി.പുതിയ ലേബര് കോഡ് പ്രകാരം മന്ത്രിതല ചര്ച്ച വരെ പിരിച്ചുവിടല് മരവിപ്പിക്കാന് തൊഴില് വകുപ്പിന് അവകാശമില്ലെന്നാണ് കമ്പനി വാദമുയര്ത്തിയത്.
800 പേര്ക്ക് ജോലി നഷ്ടമാകുന്നതില് ഇടപെടാന് സര്ക്കാരിന് ധാര്മിക ബാധ്യത ഉണ്ടെന്ന് കോടതി ചൂണ്ടിക്കാട്ടി. തൊഴില് വകുപ്പിന്റെ നീക്കം സമവായ ശ്രമങ്ങളുടെ ഭാഗമാണെന്നതിനാല് വരുന്ന പത്താം തീയതിയിലെ ചര്ച്ചയില് പങ്കെടുക്കണമെന്ന് കമ്പനിയോട് കോടതി നിര്ദേശിച്ചു.ചര്ച്ചയ്ക്ക് വരുമോ എന്ന് ഉറപ്പില്ലാതിരുന്ന കമ്പനി അധികൃതര് കോടതിയില് പോയതോടെ ചര്ച്ചയ്ക്ക് എത്തുമെന്നതില് തീരുമാനമായി. പുതിയ ലേബര് കോഡിലെ വ്യവസ്ഥകള് അനുസരിച്ച് സമമായ ശ്രമങ്ങള് നടത്താനാണ് കോടതി നിര്ദ്ദേശം.
അതിനിടെ ഇന്നും ജീവനക്കാര്ക്ക് ഓഫീസില് പ്രവേശിക്കാനായില്ല.വെളളിയാഴ്ച തൊഴില്മന്ത്രി ബിന്ദു കൃഷ്ണയുടെ അധ്യക്ഷതയില് കലക്ടറേറ്റില് ആണ് ചര്ച്ച.
