തിരുവനന്തപുരം: തദ്ദേശ സ്വയംഭരണവകുപ്പും ശുചിത്വമിഷനും സംസ്ഥാനത്തുടനീളം ജൂണില്‍ നടത്തിയ എന്‍ഫോഴ്‌സ്‌മെന്റ് നടപടികളുടെ ഭാഗമായി 23,519 പരിശോധനകള്‍ നടത്തി. ഇവയിലെല്ലാം കൂടി 1,10,54,785 രൂപ പിഴ ചുമത്തി. ഇതില്‍ 49,17,340 രൂപ ഇതിനോടകം പിഴ ഇനത്തില്‍ ഈടാക്കി. വിവിധ സ്‌ക്വാഡുകള്‍ നടത്തിയ പരിശോധനകളില്‍ 167.36 കിലോ നിരോധിത പ്ലാസ്റ്റിക് വസ്തുക്കള്‍ പിടിച്ചെടുത്തു.
നിരോധിത പ്ലാസ്റ്റിക് വില്പനയും ഉപയോഗവും, പൊതുസ്ഥലങ്ങളില്‍ മാലിന്യം വലിച്ചെറിയല്‍, അനധികൃത മാലിന്യ നിക്ഷേപം, മാലിന്യം കത്തിക്കല്‍, ജലാശയങ്ങളില്‍ മാലിന്യം നിക്ഷേപിക്കല്‍, കക്കൂസ് മാലിന്യം തള്ളല്‍ മുതലായ കുറ്റകൃ
ത്യങ്ങളാണ് കണ്ടെത്തി നടപടി സ്വീകരിച്ചത്.
കൂടുതല്‍ നടപടികളുണ്ടായത് മലപ്പുറം ജില്ലയിലാണ്. ഇവിടെ 9475 പരിശോധനകളിലാണ് നടപടി സ്വീകരിച്ചത്. കാസര്‍കോഡ് 1008, കണ്ണൂര്‍ 1756, കോഴിക്കോട് 717, വയനാട് 1010, പാലക്കാട് 566, തൃശൂര്‍ 2190, എറണാകുളം 1503, ഇടുക്കി 218, ആലപ്പുഴ 1504, കോട്ടയം 1104, പത്തനംതിട്ട 262, കൊല്ലം 866, തിരുവനന്തപുരം 1340 എന്നിങ്ങനെയാണ് നടപടികള്‍. മറ്റ് ജില്ലകളിലേതും അടക്കം ഇതുവരെ 49,17,340 രൂപ പിഴയിനത്തില്‍ ഈടാക്കി.
