ന്യൂയോര്ക്ക് : റോട്ട ദ്വീപിനു പിന്നാലെ യു എസിലെ വടക്കന് മരിയാനയിലും ബാവി കൊടുങ്കാറ്റ് കര തൊട്ടു. ദ്വീപുകളില് ശക്തമായ കാറ്റും പേമാരിയും മൂലം പ്രദേശവാസികള് വീടിനുള്ളില് തന്നെ കഴിയാന് നിര്ദേശിച്ചിട്ടുണ്ട്.
തിങ്കളാഴ്ച രാവിലെയാണ് റോട്ട ദ്വീപിലൂടെ കൊടുങ്കാറ്റ് കടന്നുപോയത്. ഫിലിപ്പീന്സിന് കിഴക്കുള്ള യുഎസ് പ്രദേശമായ വടക്കന് മരിയാന ദ്വീപുകളുടെ മറ്റ് ഭാഗങ്ങള്ക്കും ഗുവാമിനും കൊടുങ്കാറ്റ് ഭീഷണിയായിരുന്നു.
സായ്പാന് ദ്വീപിലെ അന്താരാഷ്ട്ര വിമാനത്താവളത്തില് മണിക്കൂറില് 161 കിലോമീറ്റര് വേഗതയില് കാറ്റ് വീശി. സായ്പാനിലും സമീപത്തുള്ള ടിനിയനിലും താമസിക്കുന്ന നിരവധി ആളുകളെ കൊടുങ്കാറ്റ് കാര്യമായി ബാധിച്ചു.
ഗുവാമിന്റെ വടക്കുകിഴക്കുള്ള, 2,000-ത്തില് താഴെ ആളുകള് താമസിക്കുന്ന റോട്ട ദ്വീപിലെ ദുരന്ത മുന്നറിയിപ്പ് നിലവിലുണ്ട്. മണിക്കൂറില് 290 കിലോമീറ്റര് വേഗതയില് വീശാന് സാധ്യതയുള്ള ഈ കൊടുങ്കാറ്റ് അഞ്ചാം കാറ്റഗറിയില് പെട്ട സൂപ്പര് ടൈഫൂണ് ആയിരിക്കുമെന്നു കരുതുന്നതായി കാലാവസ്ഥാ വിഭാഗം അറിയിച്ചു.
