ടെൽ അവീവ്: ഇറാനും സഖ്യകക്ഷികളായ ഹമാസിനും ഹിസ്ബുള്ളയ്ക്കുമെതിരായ സമ്പൂർണ്ണ വിജയത്തിനായുള്ള തന്റെ ശ്രമം ഒരിക്കലും അവസാനിക്കില്ലെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു. കഴിഞ്ഞ മൂന്ന് വർഷമായി ഇസ്രായേലിന്റെ സൈനിക നേട്ടങ്ങളെ അദ്ദേഹം പ്രശംസിച്ചു, അതേസമയം ഇനിയും കൂടുതൽ കാര്യങ്ങൾ ചെയ്യാനുണ്ടെന്നും അദ്ദേഹം പറഞ്ഞു.
ചാനൽ 14 ന് നൽകിയ അഭിമുഖത്തിലാണ് അദ്ദേഹം ഈ അവകാശവാദം ഉന്നയിച്ചതെന്ന് ടൈംസ് ഓഫ് ഇസ്രായേൽ റിപ്പോർട്ട് ചെയ്തു. ഗാസ യുദ്ധത്തിൽ പൂർണ്ണ വിജയം നേടുമെന്ന നെതന്യാഹുവിന്റെ വാഗ്ദാനം ഇപ്പോഴും നിലനിൽക്കുന്നുണ്ടോ എന്ന് നെതന്യാഹുവിനോട് ചോദിച്ചു. ഇതിന് മറുപടിയുമായി അത് ഒരിക്കലും അവസാനിക്കില്ലെന്നും ഇസ്രായേൽ എക്കാലത്തേക്കാളും ശക്തമാണെന്നും അദ്ദേഹം പറഞ്ഞു. കൂടാതെ അത് ശത്രുക്കളെ ഗണ്യമായി ദുർബലപ്പെടുത്തിയിരിക്കുന്നുവെന്നും നെതന്യാഹു കൂട്ടിച്ചേർത്തു.
ഹമാസ്, ഹിസ്ബുള്ള, ഇറാൻ എന്നിവിടങ്ങളിലെ മിക്ക നേതാക്കളെയും ഇല്ലാതാക്കുന്നതിലും ഗാസ, ലെബനൻ, സിറിയ എന്നിവിടങ്ങളിൽ ബഫർ സോണുകൾ സ്ഥാപിക്കുന്നതിലും നടത്തിയ പ്രവർത്തനങ്ങളെ പ്രധാനമന്ത്രി പ്രശംസിച്ചു.
കൂടാത ഏതൊക്കെ രാജ്യങ്ങളുമായി സമാധാന കരാറുകളിൽ എത്താൻ ആഗ്രഹിക്കുന്നുവെന്നും സൗദി അറേബ്യ അവയിൽ ഉൾപ്പെട്ടിട്ടുണ്ടോ എന്നും നെതന്യാഹുവിനോട് ചോദിച്ചു. എന്നാൽ ആ രാജ്യങ്ങളുടെ പേര് പറയാൻ നെതന്യാഹു വിസമ്മതിച്ചു, പക്ഷേ ലെബനൻ ഉൾപ്പെടെ നിരവധി രാജ്യങ്ങൾ രംഗത്തുണ്ടെന്ന് അദ്ദേഹം ഊന്നിപ്പറഞ്ഞു.
