കൊച്ചി:ആരോഗ്യ വകുപ്പ് ഡയറക്ടര് ഡോ.കെ ജെ റീനയുടെ സ്ഥലംമാറ്റം കേരള അഡ്മിനിസ്ട്രേറ്റീവ് ട്രിബ്യൂണല് സ്റ്റേ ചെയ്തതിനെതിരെ സര്ക്കാര് നല്കിയ അപ്പീലില് ചൊവ്വാഴ്ച വിധി.ഇന്ന് വിശദമായ വാദം കേട്ട ഹൈക്കോടതി ചൊവ്വാഴ്ച വൈകിട്ട് നാല് മണിക്ക് വിധി പറയാമെന്ന് അറിയിച്ചു.
ഡി എച്ച് എസ് സ്ഥാനത്ത് ഡോ. റീന മൂന്ന് വര്ഷ സേവന കാലാവധി പൂര്ത്തിയാക്കിയതായി സര്ക്കാര് ഹൈക്കോടതിയെ അറിയിച്ചു. ഫെബ്രുവരിയില് ഇവരുടെ ഡെപ്യൂട്ടേഷന് കാലാവധി അവസാനിച്ചു. അത് നീട്ടി നല്കിയിട്ടില്ലെന്നും സര്ക്കാര് കോടതിയെ അറിയിച്ചു.
ജനറല് കേഡറില് നിന്നും അഡ്മിനിസ്ട്രേറ്റീവ് കേഡര് ഡോ. റീന സ്വയം തിരഞ്ഞെടുത്തതാണ്. അതിനാല് നിലവിലെ സ്ഥലംമാറ്റ നടപടികളില് നിയമപരമായ തെറ്റില്ലെന്നും സര്ക്കാര് വാദമുന്നയിച്ചു.
നിലവില് ആരോഗ്യവകുപ്പ് ഡയറക്ടര് ആസ്ഥാനത്ത് കസേരകളിയുടെ അവസ്ഥയാണ്.സ്ഥലം മാറ്റത്തിന് സ്റ്റേ നേടിയ ഡോ. റീനയും സര്ക്കാര് ചുമതല നല്കിയ ഡോ. മീനാക്ഷിയും കഴിഞ്ഞ ദിവസങ്ങളില് ഓഫീസില് മുഖാമുഖം കസേരകളില് തുടരുകയായിരുന്നു. ഡി എച്ച് എസ് സ്ഥാനത്ത് ഇരുന്ന് തൊരപ്പന് പണി കാണിച്ചത് കൊണ്ടാണ് റീനയെ മാറ്റിയതെന്നാണ് ആരോഗ്യമന്ത്രി കെ മുരളീധരന് പറഞ്ഞത്. പൂനെയില് നിന്നുള്ള നിപ ഫലം അറിഞ്ഞിട്ടും ഡി എച്ച് എസ് സമയത്ത് അറിയിച്ചില്ലെന്നതടക്കം വിമര്ശനമാണ് കെ മുരളീധരന് മുന്നോട്ട് വച്ചത്. എന്നാല് നിപ ഫലം അറിയിച്ചില്ലെന്ന ആരോഗ്യമന്ത്രിയുടെ വാദം ശരിയല്ലെന്നാണ് ഡോ.റീനയുടെ നിലപാട്.
