ന്യൂദല്ഹി: മുല്ലപ്പെരിയാര് അണക്കെട്ട് വിദഗ്ധ സമിതിയില് നിന്ന് കേരള പ്രതിനിധിയെ ഒഴിവാക്കി. പകരം ഉത്തര്പ്രദേശ് സ്വദേശി എംഎല് ശര്മയെ നിയമിച്ചു. വ്യക്തിപരമായ കാരണങ്ങളാല് ശിവരാജന് ഒഴിഞ്ഞുവെന്നാണ് കേന്ദ്രം വ്യക്തമാക്കിയത്.
അണക്കെട്ടിന്റെ സമഗ്ര സുരക്ഷാ വിലയിരുത്തലിനായി ദേശീയ ഡാം സുരക്ഷാ അതോറിറ്റി രൂപീകരിച്ച സ്വതന്ത്ര വിദഗ്ധ സമിതിയെയാണ് പുനഃസംഘടിപ്പിച്ചത്. മുന് സി.ഡബ്ല്യു.സി ചീഫ് എഞ്ചിനീയര് ടി.കെ. ശിവരാജനായിരുന്നു കേരളത്തെ പ്രതിനിധീകരിച്ചിരുന്നത്.
ഐ.ഐ.ടി റൂര്ക്കിയിലെ ഭൂകമ്പ എഞ്ചിനീയറിംഗ് വിഭാഗം പ്രൊഫസറും ഇന്റര്നാഷണല് സെന്റര് ഓഫ് എക്സലന്സ് ഫോര് ഡാംസ് മേധാവിയുമാണ് പ്രൊഫ. എം.എല്. ശര്മ്മ. 2021-ലെ ഡാം സുരക്ഷാ നിയമപ്രകാരം ഈ വര്ഷം ജനുവരി 6-നാണ് മുല്ലപ്പെരിയാര് പരിശോധനയ്ക്കായി അതോറിറ്റി ആദ്യ സമിതിക്ക് രൂപം നല്കിയത്. ബല്രാജ് ജോഷി ചെയര്മാനായ സമിതിയില് ഗോപാല് ധവാന്, ഗുല്ഷന് രാജ്, എന്. ശിവകുമാര് എന്നിവരാണ് മറ്റംഗങ്ങള്.
