തിരുവനന്തപുരം:വിരമിച്ച ഉദ്യോഗസ്ഥരുടെ പുനര് നിയമനങ്ങള് റദ്ദാക്കാന് തുടങ്ങി സര്ക്കാര്. ആദ്യ പടിയായി ഉഷ ടൈറ്റസിനെ അസാപ് സി.എം.ഡി സ്ഥാനത്ത് നിന്ന് നീക്കി.
ഉന്നത വിദ്യാഭ്യാസ സെക്രട്ടറി സ്ഥാനത്ത് നിന്ന് വിരമിച്ച ഉഷ ടൈറ്റസിനെ പിണറായി സര്ക്കാരിന്റെ കാലത്ത് അസാപ് സിഎംഡിയാക്കിയത് വിവാദമായിരുന്നു.വിരമിച്ചവരുടെ പുനര് നിയമനങ്ങളില് പരിശോധന നടത്തുമെന്ന് അധികാരത്തിലേറിയ സമയത്ത് തന്നെ സര്ക്കാര് വ്യക്തമാക്കിയിട്ടുള്ളതാണ്.
2021 ല് ഉന്നത വിദ്യാഭ്യാസ സെക്രട്ടറി സ്ഥാനത്ത് നിന്നും വിരമിക്കുന്നതിന് തൊട്ടുമുമ്പാണ് ഉഷ ടൈറ്റസിനെ അസാപ് സിഎംഡിയാക്കി നിയമിച്ചത്. അന്നത്തെ ചീഫ് സെക്രട്ടറിയുടെ എതിര്പ്പ് തള്ളി ഉഷ ടൈസിന് വേണ്ടി മാത്രമാണ് അസാപിനെ കമ്പനിയാക്കിയത് എന്ന ആക്ഷേപവും ഉയര്ന്നിരുന്നു. സ്കൂളുകളിലും കോളേജുകളിലും നൈപുണ്യ വികസനം, പരിശീലനം,തൊഴിലധിഷ്ഠിത കോഴ്സുകള്ക്ക് മാര്ഗ നിര്ദേശം എന്നിവ ലക്ഷ്യമിട്ട് 2012 ലാണ് ഉന്നത വിദ്യാഭ്യസ വകുപ്പിന് കീഴില് അസാപ് രൂപീകരിച്ചത്.
