തിരുവനന്തപുരം: സംസ്ഥാനത്ത് പകര്ച്ചവ്യാധികള് പടരുന്നു. ഇന്ന് 19 പേര്ക്ക് ഷിഗെല്ല സ്ഥിരീകരിച്ചു. കോഴിക്കോട് ജില്ലയിലാണ് ഷിഗെല്ല വ്യാപനം കൂടുതല്.തിരുവനന്തപുരത്ത് കിളിമാനൂര് പുളിമാത്ത് സ്വദേശിക്ക് എം പോക്സ് സ്ഥിരീകരിച്ചു.
ഡെങ്കിപ്പനി, എലിപ്പനി, മഞ്ഞപ്പിത്തം, ചിക്കന്പോക്സ് വ്യാപനവും രൂക്ഷമാണ്. പനി ബാധിച്ച് ഇന്ന് സര്ക്കാര് ആശുപത്രികളില് മാത്രം എത്തിയവരുടെ എണ്ണം 13849 ആണ്.
കോഴിക്കോട്,തൃശൂര്,കണ്ണൂര്,തിരുവനന്തപുരം, കൊല്ലം, എറണാകുളം ,മലപ്പുറം ജില്ലകളിലായാണ് ഇന്ന് 19 പേര്ക്ക് ഷിഗെല്ല സ്ഥിരീകരിച്ചത്. കോഴിക്കോട് ഒമ്പത് പേര്ക്കാണ് ഷിഗെല്ല രോഗബാധ സ്ഥിരീകരിച്ചത്.ഡെങ്കിപ്പനി സ്ഥിരീകരിച്ചത് 68 പേര്ക്ക് .297 പേര് ഡെങ്കിപ്പനി ലക്ഷണങ്ങളോടെ ആശുപത്രികളില് ചികിത്സ തേടി.
14 പേര്ക്ക് എലിപ്പനി, നാലുപേര്ക്ക് മലമ്പനി, 15 പേര്ക്ക് മഞ്ഞപ്പിത്തം, 80 പേര്ക്ക് ചിക്കന്പോക്സ് ഒരാള്ക്ക് അമീബിക് മസ്തിഷ്ക ജ്വരവും സ്ഥിരീകരിച്ചു.
കഴിഞ്ഞ ദിവസങ്ങളിലെ അഞ്ച് മരണം ഡെങ്കി, എലിപ്പനി, മഞ്ഞപ്പിത്തം, ഇന്ഫ്ലുവന്സ,എന്സഫലറ്റിസ് തുടങ്ങിയവ ബാധിച്ചെന്ന് സ്ഥിരീകരിച്ചു.നിപ ബാധിച്ച് കോഴിക്കോട് മെഡിക്കല് കോളേജ് ആശുപത്രിയിലെ വെന്റിലേറ്ററിലുള്ള 43 കാരന് അതീവ ഗുരുതരാവസ്ഥയിലാണ്. നിപ സമ്പര്ക്കപ്പട്ടികയില് ഉള്പ്പെട്ട ്കോഴിക്കോട് മെഡിക്കല് കോളേജില് നിരീക്ഷണത്തില് ആയിരുന്ന ഒരാള് കൂടി ആശുപത്രി വിട്ടു. സമ്പര്ക്കപ്പട്ടികയില് നിന്ന് ആശുപത്രിയില് പ്രവേശിപ്പിക്കപ്പെട്ട ആകെ ഒമ്പത് പേരില് 6 പേര് ഇതിനകം ആശുപത്രി വിട്ടു.
