ന്യൂദല്‍ഹി:ഇന്നത്തെ യുദ്ധക്കളങ്ങള്‍ തികച്ചും വ്യത്യസ്തമാണ്. ഇന്നത്തെ മിസൈലുകള്‍ക്കും ഡ്രോണുകള്‍ക്കും വഴികാട്ടുന്നത് ബഹിരാകാശത്ത് പറക്കുന്ന ഉപഗ്രഹങ്ങളില്‍ നിന്നുള്ള സിഗ്നലുകളാണ്. എന്നാല്‍ ഈ ഉപഗ്രഹങ്ങളുടെ സിഗ്നലുകളെ കട്ട് ചെയ്താലോ? അതോടെ ശത്രുരാജ്യത്തിന്റെ വിശദാംശങ്ങള്‍ കിട്ടാതെ വരും. ഇതോടെ ആക്രമണത്തിന്റെ മുന ഒടിയും.
ഈയിടെ പാകിസ്ഥാന്‍ ബഹരികാശത്തേക്ക് ആറ് ഭൗമ നിരീക്ഷണ ഉപഗ്രഹങ്ങള്‍ അയച്ചെന്നും അവയ്‌ക്ക് ഇന്ത്യയുടെ ഭൗമോപരിതലത്തിലെ മുഴുവന്‍ നീക്കങ്ങളും അടുത്ത് കാണാന്‍ സാധിക്കുമെന്നും വാര്‍ത്തകള്‍ പുറത്തുവന്നിരുന്നു. എന്തായാലം ഇന്ത്യയുടെ പുതിയ നീക്കം ഈ പാകിസ്ഥാന്‍ യുദ്ധതന്ത്രത്തിനുള്ള മറുപടിയാണ്.
ഇന്ത്യന്‍ നാവികസേനയുടെ 20 പോര്‍ക്കപ്പലില്‍ ഘടിപ്പിക്കാന്‍ ഇന്ത്യ പുതിയ ജാമിംഗ് സംവിധാനം വികസിപ്പിക്കാന്‍ പോവുകയാണ്. ഇതിനായി 449 കോടി രൂപയാണ് കേന്ദ്ര പ്രതിരോധ വകുപ്പ് ചെലവഴിക്കുന്നത്. ബെംഗളൂരു ആസ്ഥാനമായി പ്രവര്‍ത്തിക്കുന്ന അക്കോഡ് സോഫ് റ്റ് വെയര്‍ ആന്‍റ് പ്രൈവറ്റ് സിസ്റ്റംസ് ലിമിറ്റഡും കേന്ദ്ര പ്രതിരോധ വകുപ്പുമാണ് ഈ കരാറില്‍ ഒപ്പുവെച്ചിരിക്കുന്നത്.
ഇന്ത്യയുടെ കപ്പലുകളില്‍ ആധുനിക ജാമിംഗ് സംവിധാനങ്ങള്‍ ഘടിപ്പിക്കുന്നതിന്റെ പ്രധാന ലക്ഷ്യമെന്താണെന്നോ? ഇത് പാകിസ്ഥാന്‍ ഈയിടെ ഇന്ത്യയുടെ വിവരം ചോര്‍ത്താന്‍ അയച്ച ഉപ്രഗ്രഹങ്ങള്‍ ഇന്ത്യയുടെ രഹസ്യം ചോര്‍ത്തുന്നത് തടയുക എന്നത് തന്നെയാണ്. രണ്ട് രീതികളിലാണ് ഈ ആധുനിക ജാമിംഗ് സംവിധാനങ്ങള്‍ പാകിസ്ഥാന്റെ ഭൗമ നിരീക്ഷണ ഉപഗ്രങ്ങളെ തടയുക. ഇസിജിഎംഎസ്എസ് (ECGഎന്ന അത്യാധുനിക ജാമറുകളാണ് ബെംഗളൂരു കമ്പനി വികസിപ്പിക്കുക. എന്‍ഹാന്‍സ് ഡ് കേപ്പബിലിറ്റി ഗ്ലോബല്‍ നാവിഗേഷന്‍ സിസ്റ്റം നാവിഗേഷന്‍ എന്നാണ് ഇസിജിഎംഎസ്എസ് എന്നതിന്റെ അര്‍ത്ഥം. ഇത് നൂറ് ശതമാനം തദ്ദേശീയമായി വികസിപ്പിക്കുന്ന ഒന്നാണ്.
ഒരു ഉപഗ്രഹത്തിന്റെ പ്രധാനഭാഗം ഗ്ലോബല്‍ നാവിഗേഷന്‍ സാറ്റലൈറ്റ് സിസ്റ്റം അഥവാ ജിഎന്‍എസ്എസ് ഒരു പ്രധാനഭാഗമാണ്. . ലോകത്തെവിടെയും കൃത്യമായ സ്ഥാനനിര്‍ണ്ണയം നടത്താന്‍ ഉപയോഗിക്കുന്ന സംവിധാനമാണിത്. തങ്ങളുടെ ലക്ഷ്യം എവിടെയാണ് എന്ന് പറഞ്ഞുകൊടുക്കാന്‍ സാറ്റലൈറ്റുകളെ സഹായിക്കുന്നത് ഈ ജിഎന്‍എസ്എസ് ആണ്. ഇന്ത്യ വികസിപ്പിക്കുന്ന ഇസിജിഎംഎസ്എസിന് ഈ പാകിസ്ഥാന്‍ ഉപഗ്രഹങ്ങളുടെ ഗ്ലോബല്‍ നാവിഗേഷന്‍ സംവിധാനത്തെ തടയാനുള്ള മിടുക്കുണ്ട്. നമ്മുടെ കപ്പലില്‍ ഘടിപ്പിച്ച ഇസിജിഎംഎസ്എസ് ജാമര്‍ സംവിധാനം പാകിസ്ഥാന്റെ സാറ്റലൈറ്റിന് തെറ്റായ സന്ദേശങ്ങള്‍ നല‍്കും. ഇത് പാകിസ്ഥാന്റെ സാറ്റലൈറ്റുകളെ തെറ്റായ പ്രവര്‍ത്തനങ്ങളിലേക്ക് നയിക്കും. ഇതോടെ ഈ പാകിസ്ഥാന്‍ സാറ്റലൈറ്റുകളുടെ സന്ദേശമനുസരിച്ച് കുതിച്ചുവരുന്ന മിസൈലുകള്‍ തെറ്റായ സ്ഥാനങ്ങളില്‍ പതിക്കും. ഇത് മൂലം ഇന്ത്യയ്‌ക്ക് വലിയ നാശനഷ്ടങ്ങള്‍ ഒഴിവാക്കാനാകും. ഈ ജാമറുകള്‍ നമ്മുടെ യുദ്ധക്കപ്പലുകളുടെ സ്ഥാനം പാകിസ്ഥാന്‍ റഡാറുകള്‍ക്ക് കൃത്യമായി കണ്ടുപടിക്കുന്നതിനെ തടയുന്നു.
