വയനാട്: കോളിയാടി സ്കൂളിലെ ഷിഗല്ല ബാധയുടെ പശ്ചാത്തലത്തില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. നെന്മേനി, അമ്പലവയല്, നൂല്പ്പുഴ പഞ്ചായത്തുകളിലെ വിദ്യാഭ്യാസ സ്ഥാപനങ്ങള്ക്കാണ് അവധി. സുല്ത്താന്ബത്തേരി മുനിസിപ്പാലിറ്റിയിലെയും എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും.
ജൂണ് 14 വരെയാണ് അവധി.മദ്രസകള്, അങ്കണവാടികള്, പഠന മുറികള്, ഹോസ്റ്റലുകള്, ട്യൂഷന് സെന്ററുകള്, പ്രൊഫഷണല് കോളേജുകള് എന്നിവ ഉള്പ്പെടെ സ്ഥാപനങ്ങള്ക്ക് അവധി ബാധകം.
ബുധനാഴ്ച അഞ്ച് പേര്ക്ക് കൂടി രോഗബാധ സ്ഥിരീകരിച്ചു. നിലവില് രോഗം സ്ഥിരീകരിച്ച എട്ടു കുട്ടികളുടെയും ആരോഗ്യനില തൃപ്തികരമാണ്. നിലവില് 58 കുട്ടികളാണ് രോഗലക്ഷണങ്ങളുമായി ആശുപത്രികളില് ചികിത്സയില് തുടരുന്നത്.
ജില്ലയില് കഴിഞ്ഞ ദിവസങ്ങളിലായി 443 വിദ്യാര്ഥികളാണ് രോഗലക്ഷണങ്ങളുമായി ചികിത്സ തേടിയത്.ചികിത്സയില് ഉണ്ടായിരുന്ന 68 പേരില് 30 പേര് ആശുപത്രി വിട്ടു.
