കൊച്ചി: നടിയെ ആക്രമിച്ച് ദൃശ്യങ്ങള് പകര്ത്തിയ കേസില് പ്രധാന തെളിവായ മെമ്മറി കാര്ഡ് കേസിലെ പുനരന്വേഷണം ആവശ്യപ്പെട്ട് പരാതിക്കാരി നല്കിയ ഹര്ജി പരിഗണിക്കുന്നതില് നിന്ന് ജസ്റ്റിസ് കൗസര് എടപ്പഗത്ത് പിന്മാറി.രണ്ടാമത്തെ ഹൈക്കോടതി ജഡ്ജിയാണ് കേസ് കേള്ക്കുന്നതില് നിന്ന് പിന്മാറിയത്.
ഇനി മറ്റൊരു ബെഞ്ച് ഹര്ജി പരിഗണിക്കും.കേസിലെ പ്രധാന തെളിവായ മെമ്മറികാര്ഡ് കോടതികളുടെ കസ്റ്റഡിയിലിരിക്കെ അനധികൃതമായി പരിശോധിച്ചതില് പുനരന്വേഷണം ആവശ്യപ്പെട്ടാണ് നടി ഹൈക്കോടതിയില് ഹര്ജി സമര്പ്പിച്ചത്.ജസ്റ്റിസ് ജോബിന് സെബാസ്റ്റ്യന് ഹര്ജി പരിഗണിക്കുന്നതില് നിന്ന് കഴിഞ്ഞദിവസം പിന്മാറിയിരുന്നു. ഹൈക്കോടതി മേല്നോട്ടത്തില് സൈബര് ഫൊറന്സിക് വിദഗ്ധര് ഉള്പ്പെട്ട പ്രത്യേക സംഘത്തിന്റെ അന്വേഷണമാണ് നടിയുടെ ആവശ്യം.
ജസ്റ്റിസ് കൗസര് എടപ്പഗത്ത് നേരത്തെ പ്രിന്സിപ്പല് സെഷന്സ് കോടതി ജഡ്ജിയായിരുന്നപ്പോഴാണ് കോടതിയുടെ കസ്റ്റഡിയിലിരിക്കെ മെമ്മറി കാര്ഡിന്റെ ഹാഷ് വാല്യൂ മാറിയതായി ഫോറന്സിക് പരിശോധനയില് കണ്ടെത്തിയത്.
