തിരുവനന്തപുരം: ഈ വര്‍ഷത്തെ ട്രോളിങ് നിരോധനം ഇന്ന് അര്‍ധരാത്രി നിലവില്‍ വരും. ജൂലായ് 31 വരെ 52 ദിവസം ട്രോള്‍ ബോട്ടുകള്‍ക്ക് മത്സ്യബന്ധനത്തിന് അനുമതിയില്ല. നിയമലംഘനം നടത്തുന്ന ബോട്ടുകള്‍ക്കെതിരെ കര്‍ശന നിയമനടപടി സ്വീകരിക്കുമെന്ന് അധികൃതര്‍ വ്യക്തമാക്കി. അതേസമയം
പരമ്പരാഗത വള്ളങ്ങള്‍ക്ക് തീരക്കടലില്‍ ഉപരിതല മത്സ്യബന്ധനത്തിന് തടസ്സമില്ലെന്ന് അധികൃതര്‍ അറിയിച്ചു.
ട്രോളിങ് നിരോധനം ഫലപ്രദമായി നടപ്പാക്കുന്നതിനായി വിപുലമായ സജ്ജീകരണങ്ങളാണ് ഒരുക്കിയിട്ടുള്ളത്.
അന്യസംസ്ഥാന ബോട്ടുകള്‍ കേരള തീരം വിട്ടുപോയിട്ടുണ്ടെന്ന് ഉറപ്പാക്കാന്‍ നിര്‍ദ്ദേശം നല്‍കി. ഹാര്‍ബറുകളിലെ ഡീസല്‍ ബങ്കുകളുടെ പ്രവര്‍ത്തനവും നിയന്ത്രിക്കും.
