മട്ടാഞ്ചേരി: ഇറാന് നാവിക കപ്പല് ഐറീസ് ലാവന് കൊച്ചി തുറമുഖത്ത് നങ്കൂരമിട്ടിട്ട് മൂന്ന് മാസം പിന്നിട്ടു. 2026 മാര്ച്ച് നാലിനാണ് ഇറാന് നാവിക സേനയുടെ ഐആര്ഐഎസ് ലാവന് കൊച്ചി തുറമുഖത്ത് അഭയം തേടിയത്. പശ്ചിമേഷ്യന് യുദ്ധസാഹചര്യം അതുപോലെ നിലനില്ക്കുന്നതിനാലാണ് നാവിക കപ്പലിന് ഇവിടെ തുടരേണ്ടി വരുന്നത്.
തുറമുഖ നിരക്ക്, ഭക്ഷണം, വെള്ളം, സുരക്ഷ കവചമൊരുക്കല് തുടങ്ങിയവയിലൂടെ ലക്ഷങ്ങളാണ് കൊച്ചി തുറമുഖ അതോറിറ്റിക്ക് നല്കേണ്ടി വരുന്നത്. ഫെബ്രുവരിയില് നാവികസേനയുമായി ചേര്ന്ന് സംയുക്താഭ്യാസത്തില് പങ്കെടുത്ത് മടങ്ങവേ സാങ്കേതിക തകരാറിനെ തുടര്ന്നാണ് യുദ്ധകപ്പലിനെ കൊച്ചി തുറമുഖത്ത് നങ്കൂരമിടാന് അനുവദിച്ചത്. യുദ്ധം തുടരവേ കനത്ത സുരക്ഷാ വലയത്തിനുള്ളിലാണ് കപ്പല് തുടരുന്നത്. ദക്ഷിണ നാവിക സേനാകേന്ദ്രം, തുറമുഖ മേഖല, റിഫൈനറി, തീരദേശ നഗരിയടക്കം ദേശീയ സുരക്ഷ ഏജന്സികളുടെ കനത്ത നിരീക്ഷണത്തിലാണ്. ഇറാന് നാവിക സേനയുടെ കപ്പല് ചിത്രങ്ങള് പകര്ത്തുക, നവ മാധ്യമങ്ങളിലൂടെ പ്രചരിപ്പിക്കുക തുടങ്ങിയവയടക്കമുള്ളവയെ നിരോധിച്ചിട്ടുണ്ട്.
1985 മുതല് ഇറാന് നാവിക സേനയുടെ ഭാഗമാണ് ഐആര്ഐഎസ് ലാവന്. കൊച്ചി തുറമുഖത്ത് നങ്കൂരമിട്ട കപ്പലില് 183 നാവികരാണ് ഉണ്ടായിരുന്നത്. മാര്ച്ച് മധ്യത്തോടെ 110 നാവികര് കോളംബോ വഴി ഇറാനിലേയ്ക്ക് മടങ്ങി. കപ്പലിലെ ഉന്നതതല ഉദ്യോഗസ്ഥ സംഘമാണ് നിലവില് കൊച്ചിയിലുള്ളത്. ആഗോള നാവികാഭ്യാസത്തില് പങ്കെടുത്ത് മടങ്ങിയ ഇറാന് നാവിക കപ്പല് ഐറീസ് ദിയ ശ്രീലങ്കയ്ക്ക് സമീപം അമേരിക്കന് ആക്രമണത്തില് തകരുകയും 100 ഓളം ഇറാനിയന് നാവികര് കൊല്ലപ്പെടുകയും ചെയ്തിരുന്നു. തുടര്ന്ന് ഇതിന്റെ രക്ഷാപ്രവര്ത്തനവും ഭാരത നാവികസേന നടത്തിയിരുന്നു.
ജന്മഭൂമി ഓണ്ലൈന്