കോഴിക്കോട്: ജില്ലയില് വീണ്ടും ഷിഗെല്ല രോഗം സ്ഥിരീകരിച്ചു.രണ്ടുപേര്ക്ക് ആണ് രോഗം.
പുറമേരി സ്വദേശിയായ 10 വയസുകാരനും പന്തീരങ്കാവ് സ്വദേശി രണ്ടു വയസുകാരനുമാണ് രോഗം ബാധിച്ചത്. കടുത്ത വയറിളക്കത്തെ തുടര്ന്ന് ആശുപത്രിയില് പ്രവേശിപ്പിച്ച കുട്ടികള്ക്ക് പരിശോധനയിലാണ് ഷിഗെല്ല സ്ഥിരീകരിച്ചത്.
രോഗബാധിതരായ കുട്ടികള് കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലാണ്.
ദഹന വ്യവസ്ഥയെ ബാധിക്കുന്ന അണുബാധയാണ് ഷിഗല്ല.ഒന്ന് മുതല് മൂന്ന് ദിവസം വരെയാണ് ബാക്ടീരിയ ശരീരത്തില് പ്രവേശിച്ച് രോഗലക്ഷണങ്ങള് പ്രകടിപ്പിക്കാനെടുക്കുന്ന സമയം.
പനി,വയറുവേദന, ഛര്ദി, വയറിളക്കം, ക്ഷീണം, വിശപ്പില്ലായ്മ എന്നിവയാണ് പ്രധാന ലക്ഷണങ്ങള്. കുടലില് പ്രവേശിക്കുന്ന ഷിഗല്ല അവിടെ വച്ച് ഒരു വിഷപദാര്ത്ഥം ഉത്പാദിപ്പിക്കുന്നു. അത് നമ്മുടെ ദഹനേന്ദ്രിയവ്യവസ്ഥയെ അസ്വസ്ഥമാക്കുകയും ചെയ്യുന്നു. പിന്നാലെയാണ് രേഗലക്ഷണങ്ങള് ഉണ്ടാകുന്നത്. സാധാരണ വയറിളക്കമായിരിക്കും ആദ്യം അനുഭവപ്പെടുക.എന്നാല് പിന്നീട് ഇതില് രക്തം, കഫം, പഴുപ്പ് എന്നിവ കണ്ടുതുടങ്ങും.
