കൊച്ചി: ‘കലാച്ചി’ നോവലുമായി ബന്ധപ്പെട്ട് വിവാദത്തില് പ്രതികരണവുമായി എഴുത്തുകാരി കെ ആര് മീര. 2025ലാണ് കലാച്ചി പുസ്തക രൂപത്തില് പ്രസിദ്ധീകരിച്ചത്.
എന്നാല് 2020 നവംബര് 16മുതല് ഓണ്ലൈനില് പ്രസിദ്ധീകരിച്ചിരുന്നുവെന്ന് എഴുത്തുകാരി ഫേസ്ബുക്ക് പോസ്റ്റില് പറയുന്നു. ഇക്കാര്യം പലരും ബോധപൂര്വ്വം മറച്ചു വയ്ക്കുന്നുവെന്നും കെ ആര് മീര പറഞ്ഞു.
2020 നവംബര് 16 മുതല് പ്രസിദ്ധീകരിച്ചുവന്ന ഒരു നോവല്, 2022ല് മാത്രം പുറത്തിറങ്ങിയ കഥയില്നിന്ന് ആശയം ഉള്ക്കൊണ്ടതാണോ എന്നു നിങ്ങള് ചിന്തിക്കണമെന്നും കെ ആര് മീര ആവശ്യപ്പെട്ടു.
എഴുത്തുകാരി ഹരിത സാവിത്രിയുടെ 2022ല് പുറത്തിറക്കിയ സിന് എന്ന നോവലും കലാച്ചിയും തമ്മില് ഉള്ളടക്കത്തില് സാമ്യമുണ്ടെന്നായിരുന്നു വിമര്ശനം.
‘നോവലിസ്റ്റിനോടു തനിക്കു വലിയ ആരാധനയുണ്ട്’ എന്നും, കോട്ടയത്തെ വീട്ടില് വന്ന്, ‘അനുവദിച്ചാല് ആ വിരലുകളില് ഉമ്മ വയ്ക്കണം’ എന്നും ‘കലാച്ചി’ നോവലിലെ പല രംഗങ്ങളും മനസില് മായാതെ നില്ക്കുന്നു’ എന്നും ‘ഒന്നുകൂടി വായിക്കാന് ആഗ്രഹിക്കുന്നു’ എന്നും വോയ്സ് മെസേജ് ഇടുകയും അതിനുശേഷം തിരുവനന്തപുരത്ത് നടന്ന സാഹിത്യോല്സവത്തില്വച്ചു കണ്ടപ്പോള് കെട്ടിപ്പിടിച്ച് ഉമ്മ വയ്ക്കുകയും ഫോട്ടോകള് എടുക്കുകയും ചെയ്തപ്പോഴൊന്നും ‘കലാച്ചി’യെക്കുറിച്ച് സംശയംതോന്നാത്ത എഴുത്തുകാരിക്ക് മേയ് മാസമാകേണ്ടി വന്നു, ആരോപണം ഉന്നയിക്കാന്.
സത്യസന്ധതയില്ലാത്ത ആരോപണങ്ങളും ആത്മാര്ത്ഥതയില്ലാത്ത അഭിനന്ദനങ്ങളും എന്നെ ബാധിക്കാറില്ല.
കാരണം, ‘ആരാച്ചാര്’ എന്ന നോവലും വായനക്കാര് ഏറ്റെടുത്തപ്പോഴാണ് ആരോപണവിധേയമായത്. ഈ ആരോപണത്തിന്റെ പ്രഭവസ്ഥാനവും ഇപ്പോള് വ്യക്തമാണ്- മീര പറയുന്നു.
