ചെന്നൈ: തമിഴക വെട്രി കഴകം (ടിവികെ) പ്രവര്‍ത്തകര്‍ ഉള്‍പ്പെട്ട കുറ്റകൃത്യങ്ങള്‍ പെരുകുന്നുവെന്ന് ബിജെപി സംസ്ഥാന പ്രസിഡന്റ് നൈനാര്‍ നാഗേന്ദ്രന്‍. തൂത്തുക്കുടി ജില്ലയില്‍ ജോലി വാഗ്ദാനം ചെയ്ത് ഒരു സ്ത്രീയെ ലൈംഗികമായി പീഡിപ്പിച്ച സംഭവത്തില്‍ അദ്ദേഹം ഞെട്ടല്‍ പ്രകടിപ്പിച്ചു. ടിവികെ പ്രസിഡന്റും തമിഴ്നാട് മുഖ്യമന്ത്രിയുമായ സി. ജോസഫ് വിജയ് സംസ്ഥാനത്ത് ക്രമസമാധാനം നിലനിര്‍ത്തുന്നതില്‍ ശ്രദ്ധിക്കണമെന്ന് നൈനാര്‍ നാഗേന്ദ്രന്‍ ആവശ്യപ്പെട്ടു.
ശ്രീവൈകുണ്ടത്തില്‍ രണ്ട് ടിവികെ പാര്‍ട്ടി അംഗങ്ങള്‍ ഒരു യുവതിയെ ജോലി നല്‍കാമെന്ന് പറഞ്ഞ് ലൈംഗികമായി പീഡിപ്പിച്ച സംഭവം ഞെട്ടിക്കുന്നതാണ്. ടിവികെ അംഗങ്ങള്‍ തുടക്കത്തിലേ കൈക്കൂലി ആവശ്യപ്പെട്ടിരുന്നതായി വ്യാപക പരാതിയുണ്ട്. ഇപ്പോള്‍ അവര്‍ക്കെതിരെ ബലാത്സംഗം, കൊലപാതകം എന്നീ കുറ്റങ്ങളും വര്‍ദ്ധിച്ചുവരികയാണെന്ന് അദ്ദേഹം ആരോപിച്ചു.
