ന്യൂദല്ഹി: ഹോളിവുഡ് മാദക സുന്ദരി മെര്ലിന് മണ്റോ, കാറ്റില് പറന്നുയരുന്ന കുട്ടിയുടുപ്പിട്ടു നില്ക്കുന്ന ചിത്രം കണ്ടിട്ടില്ലാത്ത ചലച്ചിത്രപ്രേമികള് ഉണ്ടായിവില്ല.
ആരാധകവൃന്ദത്തെ പതിറ്റാണ്ടുകള്ക്കിപ്പുറവും രോമാഞ്ചം കൊള്ളിക്കുന്നതാണ് ആ ചിത്രം. തന്റെ വശ്യസൗന്ദര്യത്തിലൂടെ പ്രേക്ഷക ലക്ഷങ്ങളുടെ ആരാധനാ പാത്രമായ അമേരിക്കന് നടിയും ഗായികയും മോഡലും പോപ്പ് ഐക്കണും ആയിരുന്നു മെര്ലിന്.
1954 ലാണ് ദ സെവന് ഇയര് ഇച്ച് എന്ന ചിത്രത്തിനുവേണ്ടി ചലച്ചിത്ര ലോകത്ത് കൊടുങ്കാറ്റ് ഉയര്ത്തിയ ആ ദൃശ്യം ചിത്രീകരിച്ചത്. എന്നാല് ഈ ദൃശ്യം മെര്ലിന്റെ കുടുംബജീവിതത്തിന്റെ തകര്ച്ചയ്ക്കും ഇടയാക്കി.
മുന് കൂട്ടി അറിയിച്ചിരുന്നതിനാല് പതിനായിരക്കണക്കിന് ആരാധകരാണ് കാലിഫോര്ണിയയിലെ സ്റ്റുഡിയോയില് നടന്ന ഷൂട്ടിംഗ് കാണാന് എത്തിയത്. ഈ ദൃശ്യത്തിനുവേണ്ടി ഒട്ടേറെ ടേക്കുകള് എടുക്കേണ്ടിവന്നു. ചിത്രീകരണം കാണാന് മെര്ലിന്റെ രണ്ടാംഭര്ത്താവ് ജോ ഡിമോജിയോയും കാലിഫോര്ണിയയിലെ സ്റ്റുഡിയോയില് വന്നിരുന്നു. പിന്നീട് ഈ ദൃശ്യത്തെ ചൊല്ലിയുള്ള അഭിപ്രായഭിന്നയും ഇവര് തമ്മിലുള്ള വിവിവാഹമോചനത്തിന് കാരണമായതായി ചൂണ്ടിക്കാണിക്കപ്പെടുന്നു.
1926 ജൂണ് ഒന്നിന് ജനിച്ച മെര്ലിന്റെ ജന്മശതാബ്ദിയാണ് ഇന്ന്.
അവസാനകാലത്ത് തന്റെ ചലച്ചിത്രജീവിതത്തിലും സ്വകാര്യ ജീവിതത്തിലും മെര്ലിന് നിരാശകള് ഏറ്റുവാങ്ങേണ്ടി വന്നു. അവസാന വര്ഷങ്ങളില് രോഗമടക്കമുള്ള പ്രശ്നങ്ങള് അവരെ അലട്ടി. അമിതമായി മരുന്ന് ഉള്ളില് ചെന്നായിരുന്നു
1962 ഓഗസ്റ്റ് 5 ന് ദുരൂഹമെന്ന് വിശേഷിപ്പിക്കപ്പെട്ട അന്ത്യം സംഭവിച്ചത്.
