കോഴിക്കോട്: മെഡിക്കല്‍ കോളേജ് തീവ്രപരിചരണ വിഭാഗത്തില്‍ പീഡനം നേരിട്ട അതിജീവിത മുഖ്യമന്ത്രി വി ഡി സതീശനെ കാണും.കേസില്‍ പുനരന്വേഷണം ആവശ്യപ്പെട്ടാണ് അതിജീവിത തിങ്കളാഴ്ച മുഖ്യമന്ത്രിയെ കാണുക.
പ്രതിക്കൊപ്പം നിലകൊണ്ടവര്‍ക്കെതിരെ കര്‍ശന നടപടി വേണം എന്നാണ് അതിജീവിതയുടെ ആവശ്യം. പുതിയസര്‍ക്കാറില്‍ നിന്ന് നീതി ലഭിക്കുമെന്ന പ്രതീക്ഷയുണ്ടെന്ന് അതിജീവിത പറഞ്ഞു.
കോഴിക്കോട് മെഡിക്കല്‍ കോളേജ് ആശുപത്രിയില്‍ 2023ലാണ് കേസിനാധാരമായ സംഭവം. മാര്‍ച്ച് 18ന് തൈറോയഡ് ശസ്ത്രക്രിയയ്‌ക്ക് വിധേയയായ യുവതിയെ തീവ്രപരിചരണ വിഭാഗത്തില്‍ വച്ച് അറ്റന്‍ഡര്‍ എം.എം.ശശീന്ദ്രന്‍ പീഡിപ്പിച്ചെന്നാണ് പരാതി.കേസിനെ തുടര്‍ന്ന് പ്രതിയെ ജോലിയില്‍ നിന്ന് പിരിച്ചുവിട്ടു. എന്നാല്‍ ഇയാളെ സഹായിച്ചതിന് സ്ഥലം മാറ്റിയ അഞ്ചുജീവനക്കാര്‍ ഇപ്പോഴും സര്‍വീസില്‍ തുടരുന്നുണ്ട്.ഇവര്‍ക്കെതിരെ നടപടി ആവശ്യപ്പെട്ടാണ് അതിജീവിത മുഖ്യമന്ത്രിയെ കാണുക.
