ന്യൂദല്ഹി: അഞ്ച് ദിവസത്തെ സന്ദര്ശനത്തിനായി മ്യാന്മര് പ്രസിഡന്റ് യു മിന് ആങ് ഹ്ലെയ്ങ് ഭാരതത്തില്. പ്രസിഡന്റ് പദവിയിലെത്തിയ ശേഷമുള്ള യു മിന് ആങ് ഹ്ലെയ്ങ്ങിന്റെ ആദ്യ ഭാരത സന്ദര്ശനമാണിത്. ന്യൂദല്ഹിയില് വെച്ച് ഭാരത വിദേശകാര്യ മന്ത്രി എസ്. ജയശങ്കറുമായി അദ്ദേഹം കൂടിക്കാഴ്ച നടത്തി. ഉഭയകക്ഷി ബന്ധം, അതിര്ത്തി സുരക്ഷ, കണക്ടിവിറ്റി, ബിസിനസ് സഹകരകണം എന്നിവ സംബന്ധിച്ച് ഇരു നേതാക്കളും ചര്ച്ച ചെയ്തു.
ഇന്നലെ ബീഹാറിലെത്തിയ അദ്ദേഹം ബോധ് ഗയയിലെ ലോകപ്രശസ്ത മഹാബോധി ക്ഷേത്രത്തിലെ പ്രാര്ത്ഥനാ ചടങ്ങുകളില് പങ്കെടുത്തു. തുടര്ന്ന് ബക്രൗറിലെ ചരിത്രപ്രസിദ്ധമായ സുജാത ക്ഷേത്രത്തില് പ്രണാമം അര്പ്പിച്ചു. ബോധ് ഗയയിലെ ബര്മീസ് ആശ്രമം സന്ദര്ശിച്ചു. നിരവധി കാബിനറ്റ് മന്ത്രിമാരും, ഉന്നത ഉദ്യോഗസ്ഥരും, വ്യവസായ പ്രമുഖരും അടങ്ങിയ പ്രതിനിധി സംഘവും അദ്ദേഹത്തോടൊപ്പമുണ്ട്.
നാളെയാണ് പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ച. തുടര്ന്ന് മ്യാന്മര് പ്രസിഡന്റ് ജൂണ് 2ന് ബിസിനസ്, വ്യവസായ ചര്ച്ചകള്ക്കും സന്ദര്ശനങ്ങള്ക്കുമായി മുംബൈയിലേക്ക് പോകും.
