തിരുവനന്തപുരം :പ്രതിപക്ഷനേതാവ് പിണറായി വിജയന്റെ മകള് വീണ ടിയുടെ ബാങ്ക് അക്കൗണ്ട്ഇ ഡി മരവിപ്പിച്ചു.സിഎംആര്എല്- എക്സാലോജിക്ക് സാമ്പത്തിക ഇടപാടുമായി ബന്ധപ്പെട്ടാണ് നടപടി.എച്ച്ഡിഎഫ്സി ബാങ്കിലെ അക്കൗണ്ടാണ് മരവിപ്പിച്ചത്.വീണയുടെ ബാങ്ക് സ്ഥിര നിക്ഷേപത്തിന്റെ രേഖകള് ബുധനാഴ്ച നടത്തിയ പരിശോധനയില് ഇഡി പിടിച്ചെടുത്തിരുന്നു.
പരിശോധനയില് നിരവധി രേഖകള്, അക്കൗണ്ടുകള്, ഡിജിറ്റല് തെളിവുകള്, ബാങ്ക് എഫ്ഡി എന്നിവ കണ്ടെത്തിയെന്ന് ഇ ഡി അറിയിച്ചു. വീണാ വിജയന്റേതുള്പ്പെടെ 242 അക്കൗണ്ടുകളിലെ 18.36 കോടി രൂപ മരവിപ്പിച്ചു.രേഖകള് പരിശോധിച്ചു വരികയാണ്.സിഎംആര്എല്ലില് നിന്ന് കൈക്കൂലി വാങ്ങിയ ആളുകളെ തിരിച്ചറിഞ്ഞുവെന്നും അന്വേഷണം പുരോഗമിക്കുന്നുവെന്നും ഇ ഡി.
തിരുവനന്തപുരത്ത് ഉണ്ടായ ആക്രമണം ആസൂത്രിതമെന്നാണ് ഇ ഡി വിലയിരുത്തല്.യാതൊരു പ്രകോപനവുമില്ലാതെ ഇഷ്ടികകളും ഇരുമ്പ് ദണ്ഡുകളും ഉപയോഗിച്ച് ഇ ഡി സംഘത്തിന്റെ കാറുകള് ആക്രമിച്ചു. അക്രമികള്ക്കെതിരെ നിയമനടപടി സ്വീകരിക്കുന്നതിനായി തിരുവനന്തപുരത്ത് പൊലീസില് എഫ്ഐആര് ഫയല് ചെയ്തിട്ടുണ്ട്.
