കൊച്ചി : മൂവാറ്റുപുഴയില് വയോധികയുടെ വായില് തുണി തിരുകി സ്വര്ണാഭരണങ്ങള് പിടിച്ചു പറിച്ച പ്രതികള് പിടിയില്. തമിഴ്നാട് മധുര സിന്ധുപ്പാട്ടിയില് സെംപാട്ടി സ്വദേശി ഭഗത്ത് സുധശങ്കര്, ദിണ്ടിഗല് മലയഗൗഡന്പാട്ടി പൊട്ടിക്കളം ഭാഗത്ത് ലക്ഷ്മി എന്നിവരെയാണ് അറസ്റ്റ് ചെയ്തത്.പൂമറ്റത്തില് മറിയാമ്മയെയാണ് ആക്രമിച്ച് ആഭരണങ്ങള് കവര്ന്നത്.
വയോധികയുടെ വായില് തുണി തിരുകിയ ശേഷം കയ്യിലും കഴുത്തിലും കിടന്ന സ്വര്ണാഭരണങ്ങള് കവരുകയായിരുന്നു.സംഭവത്തില് തമിഴ്നാട് സ്വദേശിനി വീട്ടുവേലക്കാരിയെ പൊലീസ് ചോദ്യം ചെയ്തിരുന്നു.
ഞായറാഴ്ച രാവിലെ ആയതിനാല് സമീപമുളള ആളുകളെല്ലാം പള്ളിയില് പോയപ്പോഴായിരുന്നു കവര്ച്ച. കിടപ്പുമുറിയില് വിശ്രമിച്ച വയോധിക പെട്ടെന്ന് കണ്ണുതുറക്കുമ്പോള് അജ്ഞാതന് തന്റെ കിടക്കയില് ഇരുന്ന് കയ്യിലുള്ള വളകള് ഓരോന്നായി ഊരിയെടുക്കുന്നതാണ് കണ്ടതെന്നാണ് മൊഴി.
ഇവരുടെ വായില് തുണി തിരുകിയിരുന്നതിനാല് ശബ്ദമുയര്ത്താന് കഴിഞ്ഞില്ല. ഒരു കയ്യിലെ മൂന്ന് വളകളും മറ്റേ കയ്യിലെ ഒരു വളയും കഴുത്തിലെ മാലയും ഉള്പ്പെടെ ആകെ 12 പവനിലധികം തൂക്കം വരുന്ന സ്വര്ണാഭരണങ്ങളാണ് കവര്ന്നത്.
ഇതിനിടെ മുറിയിലേക്ക് വന്ന തമിഴ്നാട് സ്വദേശിനി വീട്ടുജോലിക്കാരിയെ മോഷ്ടാവ് മര്ദിച്ചു മറ്റൊരു മുറിയിലാക്കി പുറത്തുനിന്ന് പൂട്ടിയിടുകയും ചെയ്തു. കവര്ച്ചയ്ക്ക് ശേഷം പ്രതി വേഗത്തില് ഓടിരക്ഷപ്പെട്ടു. അക്രമി പോയശേഷമാണ് മറിയാമ്മയും വീട്ടുജോലിക്കാരിയും ചേര്ന്ന് ബഹളം വെച്ചതും നാട്ടുകാരെ വിവരമറിയിച്ചതും.
