തിരുവനന്തപുരം: ടി.പി വധക്കേസിലെ ഗൂഢാലോചനയില്‍ കെ.കെ രമ പുനരന്വേഷണം ആവശ്യപ്പെട്ടുവെന്ന വ്യാജവാര്‍ത്തയുമായി റിപ്പോര്‍ട്ടര്‍ ടിവി. ഇതിനെ നിഷേധിച്ച് രമ രംഗത്തെത്തിയതോടെയാണ് റിപ്പോര്‍ട്ടര്‍ ടിവി പഴയ വിവാദ റിപ്പോര്‍ട്ട് മുക്കി.
ബാര്‍ക്ക് കേസില്‍ നേര്‍ക്കുനേര്‍ നിന്ന ചാനലുകള്‍ തമ്മിലുള്ള വൈരത്തിന് ഇടയിലാണ് ടിപി വധക്കേസും വലിച്ചിഴക്കപ്പെട്ടത്. ടി.പി വധക്കേസിലെ ഗൂഢാലോചനയില്‍ കെ.കെ രമ പുനരന്വേഷണം ആവശ്യപ്പെട്ടു എന്ന രീതിയില്‍ റിപ്പോര്‍ട്ടര്‍ തട്ടിവിട്ട വലിയ കള്ളത്തരമാണ് മറ്റ് ചില വാര്‍ത്താമാധ്യമങ്ങളും ടിവി ചാനലും പൊളിച്ചത്.
കഴിഞ്ഞ ദിവസമാണ് ടി.പി ചന്ദ്രശേഖരന്‍ വധക്കേസില്‍ പുനരന്വേഷണം ആവശ്യപ്പെട്ട് കെ.കെ രമ ആഭ്യന്തരമന്ത്രിയെ സമീപിച്ചു എന്ന രീതിയില്‍ റിപ്പോര്‍ട്ടര്‍ ടിവി വലിയ ആഘോഷത്തോടെ വാര്‍ത്ത നല്‍കിയത്. ഒഞ്ചിയത്തെ ചോരപ്പൊടിയുന്ന ഓര്‍മ്മകളെ വീണ്ടും രാഷ്‌ട്രീയ ആയുധമാക്കാന്‍ റിപ്പോര്‍ട്ടര്‍ തുനിഞ്ഞിറങ്ങിയതോടെ രാഷ്‌ട്രീയ കേന്ദ്രങ്ങളും ഒപ്പം മാധ്യമലോകവും ഈ വാര്‍ത്തയില്‍ ഞെട്ടി.
എന്നാല്‍ ഇതിന് പിന്നാലെ രമ ഈ വാര്‍ത്ത നിഷേധിച്ചു.
