തിരുവനന്തപരും:ഇന്ത്യാ വിരുദ്ധരുടെ കോക് റോച്ച് ജനതാ പാര്‍ട്ടിയെ മോദി തൂത്തെറിയുമെന്ന് സാമൂഹ്യനിരീക്ഷകന്‍ ഫക്രുദ്ദീന്‍ അലി. ജനാധിപത്യ സംവിധാനത്തിലൂടെ മോദിയെ താഴെയിറക്കുക എന്നത് എളുപ്പമല്ല. അപ്പോള്‍ തെരുവുകള്‍ കീഴടക്കി അത് നേടിയെടുക്കാനാണ് രാജ്യവിരുദ്ധ ശക്തികള്‍ ശ്രമിക്കുന്നതെന്നാണ് ഫക്രുദ്ദീന്‍ അലി അഭിപ്രായപ്പെടുന്നത്.
കോക് റോച്ച് ജനതാ പാര്‍ട്ടി എന്ന സിജെപി വെറും കടലാസ് പുലിയാണ്. മാധ്യമങ്ങള്‍ വെറുതെ ഇതിനെ വളര്‍ത്തുകയാണ്. ഇന്ത്യയ്‌ക്ക് അതിശക്തമായ സ്റ്റാന്‍ഡിംഗ് ആര്‍മിയുണ്ട്. അതിശക്തമായ പൊലീസ് സംവിധാനവുമുണ്ട്. ഇത് രണ്ടും മോദി സര്‍ക്കാരിനോട് കൂറുള്ളവരാണ്. അതിനപ്പുറം ആര്‍എസ് എസിന്റെ ശക്തമായ സംവിധാനവും ഇന്ത്യയില്‍ ഉണ്ട്. അതിനാല്‍ ശ്രീലങ്കയില്‍ സംഭവിച്ചതുപോലെ ഇവിടെ അത് എളുപ്പം നടക്കില്ല. തൊഴിലില്ലായ്‌മ എല്ലാക്കാലത്തും ഇന്ത്യയില്‍ ഉണ്ടായിട്ടുണ്ട്. – ഫക്രുദ്ദീന്‍ അലി.പറയുന്നു.
നേരത്തെ സിഎഎ സമരം നടത്തി. കര്‍ഷക സമരം നടത്തി. ഇതെല്ലാം മോദിയെ അട്ടിമറിക്കാനുള്ള ശ്രമമായിരുന്നു. പക്ഷെ ഒന്നും നടന്നില്ല. കേരളത്തില്‍ നിന്നും പോയവരാണ് ഈ മോദി വിരുദ്ധ സമരത്തിന് പിന്നില്‍ നിന്നത്.
അഭിജിത് ദീപ് കെ ആണ് കോക് റോച്ച് ജനതാ പാര്‍ട്ടി ഇന്‍സ്റ്റഗ്രാമില്‍ രൂപീകരിച്ചത്. അയാള്‍ ആം ആദ്മിയുടെ മീഡിയ കോര്‍ഡിനേറ്ററായിരുന്നു. ഇത്തരക്കാരെ അമേരിക്ക പ്രോത്സാഹിക്കുന്നതിന് പിന്നില്‍ അവര്‍ക്ക് കൃത്യമായ അജണ്ടയുണ്ട്. -ഫക്രുദ്ദീന്‍ അലി പറയുന്നു.
ഇന്ത്യയിലേതിനേക്കാള്‍ വലിയ തൊഴിലില്ലായ്‌മ പാകിസ്ഥാനില്‍ ഉണ്ട്. എന്നിട്ടും എന്തുകൊണ്ട് ഒരു കോക് റോച്ച് പാര്‍ട്ടി പാകിസ്ഥാനില്‍ ഉണ്ടാകുന്നില്ല?. അതിനര്‍ത്ഥം ഇതിന് പിന്നില്‍ ഗൂഢാലോചനയുണ്ടെന്നാണ്. നിങ്ങള്‍ക്ക് ബിജെപിയെ എതിര്‍ക്കാന്‍ നൂറുകാരണങ്ങളുണ്ടാകാം. മോദിയെ എതിര്‍ക്കാന്‍ നൂറു കാരണങ്ങള്‍ ഉണ്ടാകും.പക്ഷെ അതുകൊണ്ടൊന്നും ഇവിടെ ഒരു കലാപമുണ്ടാക്കാന്‍ കഴിയില്ല. കാരണം അങ്ങിനെ ഒരു അംസംതൃപ്തമായ സാഹചര്യം ഇന്ത്യയില്‍ ഇല്ല.- ഫക്രുദ്ദീന്‍ അലി ചൂണ്ടിക്കാട്ടുന്നു.
