തിരുവനന്തപുരം: മന്ത്രിമാരുടെ പട്ടിക ഞായറാഴ്ച ഉച്ചയ്ക്ക് രണ്ടുമണിയോടെ ഗവര്ണര്ക്ക് കൈമാറും. ഉഭയകക്ഷി ചര്ച്ചകള് തുടരുന്നു. ഞായറാഴ്ച രാവിലെയും ചര്ച്ച തുടരുമെന്ന് കേരളത്തിന്റെ ചുമതല വഹിക്കുന്ന ദീപദാസ് മുന്ഷി അറിയിച്ചു. തിങ്കളാഴ്ചയാണ് പൂര്ണ മന്ത്രിസഭയുടെ സത്യപ്രതിജ്ഞ നടക്കുന്നത്.
യുഡിഎഫ് മന്ത്രിസഭയില് മുഖ്യമന്ത്രി വി ഡി സതീശന് തന്നെ ധനവകുപ്പും കൈകാര്യം ചെയ്യുമെന്നാണ് റിപ്പോര്ട്ട്. ആഭ്യന്തരം മുതിര്ന്ന നേതാവ് രമേശ് ചെന്നിത്തലയ്ക്ക് നല്കാന് ധാരണയായി.
അതേസമയം, വി ഡി സതീശന് മന്ത്രിസഭയില് മന്ത്രിസ്ഥാനം ഉറപ്പിച്ച എട്ട് കോണ്ഗ്രസ് നേതാക്കളുടെ പട്ടിക പുറത്ത് വന്നു. സണ്ണി ജോസഫ്, കെ മുരളീധരന്,തിരുവഞ്ചൂര് രാധാകൃഷ്ണന്, എപി അനില്കുമാര്, പിസി വിഷ്ണുനാഥ്, എം ലിജു, ബിന്ദു കൃഷ്ണ, ചാണ്ടി ഉമ്മന് എന്നിവര് മന്ത്രിമാരാകും. ഇനിയും കുറച്ച് പേരുകള് കൂടി വരാനുണ്ട്.
അതിനിടെ, വിഡി സതീശന് മന്ത്രിസഭയില് മുസ്ലീം ലീഗിന് ആവശ്യപ്പെട്ടത് പോലെ അഞ്ച് മന്ത്രിമാര് എന്ന കാര്യത്തില് തീരുമാനമായി. ഞായറാഴ്ച ഇതുസംബന്ധിച്ച ഔദ്യോഗിക പ്രഖ്യാപനം ഉണ്ടാകും.
